The news is by your side.

Advertisement

علیزے شاہ سے شادی کی خبریں، عمران عباس نے خاموشی توڑ دی

کراچی: شوبز انڈسٹری کے معروف اداکار عمران عباس نے ساتھی اداکارہ علیزے شاہ سے شادی سے متعلق خبروں کی تردید کردی۔

تفصیلات کے مطابق شوبز انڈسٹری کے معروف اداکار عمران عباس اور اداکارہ علیزے شاہ سے متعلق گزشتہ دنوں سوشل میڈیا پر خبریں گردش کررہی تھیں کہ دونوں جلد شادی کے بندھن میں بندھنے والے ہیں تاہم اب عمران عباس نے ایسی تمام خبروں کوبے بنیاد قرار دے دیا۔

عمران عباس نے سماجی رابطے کی ویب سائٹ انسٹاگرام پر اسٹوری شیئر کی جس میں انہوں نے چند اسکرین شاٹس شیئر کیے جو ان کی اور علیزے شاہ کی شادی کے حوالے سے یوٹیوب ویڈیو زکے تھے۔

اداکار نے اسکرین شاٹس کے ساتھ لکھا کہ ’اس ہفتے یوٹیوب پر چلنے والی بے بنیاد افواہیں۔‘

عمران عباس کی علیزے شاہ سے شادی کی افواہوں کی تردید

واضح رہے کہ اداکارہ علیزے شاہ کی جانب سے فی الحال عمران عباس کے ساتھ شادی کی خبروں پر کوئی ردعمل نہیں دیا گیا ہے۔

یاد رہے کہ اس سے قبل عمران عباس کا کہنا تھا کہ وہ جلد شادی کرنے والے ہیں جس کے بعد سے ان کی اور علیزے شاہ کی شادی کی بے بنیاد افواہیں سوشل میڈیا پر گردش کررہی تھیں۔

Comments

یہ بھی پڑھیں