site
stats
پاکستان

عمران خان کے پاس ثبوت نہیں، وہ قوم کو سچ بتائیں ، لیگی رہنما

اسلام آباد: وفاقی وزیر برائے نجکاری محمد زبیر نے کہا ہے کہ عمران خان الزامات کی سیاست چھوڑ کر شواہد کی سیاست پر آجائیں پی ٹی آئی وکیل نے سپریم کورٹ میں تسلیم کیا کہ ان کے پاس ثبوت نہیں ہیں۔

اسلام آباد میں دانیال عزیر اور محسن رانجھا کے ہمراہ نیوز کانفرنس میں وفاقی وزیر برائے نجکاری کاکہنا تھا کہ عمران خان جواب دیں کہ انھوں نے 23 سال تک اپنی آف شور کمپنی اور فلیٹ کو چھپا کر کیوں رکھا ۔

انھوں نے کہاکہ عمران خان کی جانب سے حضرت عمر فاروق کی مثالیں دی جاتی ہیں مگر حضرت عمر فاروق نے آف شور کمپنی چھپا کر نہیں رکھی تھی انھوں نے کہاکہ عمران خان سے آف شور کمپنی کا پوچھا جاتا ہے مگر وہ بتاتے ہیں کہ وہ کرکٹ کھیلتے تھے عمران خان اپنی مالی بے ضابطگیوں کی وضاحت کریں۔


پڑھیں:  پاناما لیکس: سپریم کورٹ کاتمام فریقین کو15نومبرتک دستاویزات جمع کرنے کا حکم


محمد زبیر نے کہاکہ تحریک انصاف کے وکیل نے سپریم کورٹ میں خود تسلیم کیا کہ اُن کے پاس پاناما لیکس اور کرپشن کے حوالے سے کوئی شواہد نہیں ہیں۔ اب  عمران خان بھی قوم کو سچ بتادیں کہ ان کے پاس ثبوت نہیں ہیں جبکہ مسلم لیگ ن منگل کے روز سپریم کورٹ میں تمام شواہد جمع کروادے گی۔

مزید پڑھیں: چیئرمین نیب قمرزمان چوہدری اچانک چین روانہ


لیگی رہنماء دانیال عزیز نے کہا کہ اب کرپشن کرنے والوں کا احتساب ہو کر رہے گا اور ہم پی ٹی آئی کے لوگوں کو پکڑ پکڑ  کر عدالت اور قوم کے سامنے لائیں گے۔ انھوں نے کہا کہ مریم نواز  وزیر اعظم کی زیر کفالت نہیں ہیں مگرسب کو نظر آرہا ہے کہ پی ٹی آئی اور عمران خان جہانگیر ترین کے زیر کفالت ہیں اور ان کے بغیر شاید انھیں کوئی ایک لیٹرڈیزل بھی نہ دے ۔

ان کاکہنا تھاکہ عمران خان نے نیا پاکستان بنانا ہے تو وہ سکرپٹ بھی نیا لے کر آئیں ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top