اسلام آباد: لندن میں قتل ہونے والے ایم کیو ایم کے رہنما ڈاکٹر عمران فاروق قتل کیس میں مشترکہ تحقیقاتی کمیٹی تشکیل دینے کے لیے افسران کے نام وزارت داخلہ کو بھجوا دیے گئے.
جے آئی ٹی کے سربراہ مظہر کاکا خیل ہوں گے،جبکہ ممبران میں ایڈیشنل ڈائریکٹر سی ٹی ڈی الطاف حسین،ڈپٹی ڈائریکٹر سی ٹی ڈبلیو ایس پی کیپٹن الیاس،کیپٹن شہزاد جبکہ آئی ایس آئی اور آءی بی سے ایک ایک نمائندہ شامل ہو گا.
وزارت داخلہ کی حتمی منظوری کے بعد کمیٹی کی حتمی منظوری کے بعد نوٹیفیکیشن جار ی کر دیا جائے گا.
ایم کیوایم کے مقتول رہنما ڈاکٹر عمران فاروق کے قتل کی ایف آئی آرپاکستان میں درج کرلی گئی ہے، ایف آئی آر کی کاپی اے آر وائی نیوز نے حاصل کر لی ہے، ایف آئی آر کے مطابق ایف آئی اے کے انسداد دہشت گردی ونگ نے چھبیس جولائی کو انکوائری رجسڑڈ کی تھی اور قتل کے مبینہ ملزمان خالد شمیم ، سید محسن علی اور معظم علی کو حراست میں لینے کیلئے وفاقی حکومت سے درخواست کی تھی.
