The news is by your side.

Advertisement

اثاثے ظاہرکرنے کی اسکیم میں ریکارڈ کامیابی حاصل ہوئی، گورنرسندھ

کراچی: گورنر سندھ عمران اسماعیل کا کہنا ہے کہ میئر کو مائنس نہیں کیا جاسکتا چاہے کچھ بھی کریں، سندھ حکومت میئر کو اختیارات دے۔

تفصیلات کے مطابق گورنرسندھ عمران اسماعیل کا کہنا ہے کہ اثاثے ظاہرکرنے کی اسکیم میں ریکارڈ کامیابی حاصل ہوئی، پاکستان میں اسکیم سے اتنی رقم کبھی موصول نہیں ہوئی۔

انہوں نے کہا کہ ماضی کی ایمنسٹی میں صرف بتا دیا جاتا تھا اور کچھ ٹیکس دیا جاتا تھا، موجودہ اسکیم کے تحت پیسہ بھی بینک میں رکھوانا تھا، احتجاج کا سوچنے والے ضروراحتجاج کریں، حکومت ٹیکس واپس نہیں لے گی۔

عمران اسماعیل نے کہا کہ میئر کو مائنس نہیں کیا جاسکتا چاہے کچھ بھی کریں، سندھ حکومت میئر کو اختیارات دے، نظر انداز نہیں کیا جا سکتا۔

گورنر سندھ نے راناٖ ثنا اللہ کی گرفتاری پر اے این ایف کو مبارک باد دیتے ہوئے کہا کہ رانا ثنا اللہ پر فیصل آباد میں 2 کنٹینرز میں بھی منشیات رکھنے کا الزام ہے۔

کراچی میں صفائی ستھرائی اور کچرہ اٹھانے کی ذمہ داری ڈسٹرکٹ میونسپل کارپوریشن کی ہے، سعید غنی

یاد رہے کہ گزشتہ روز وزیر بلدیات سندھ سعید غنی کا کہنا تھا کہ کراچی میں پانی، سیوریج اور کچرے کے مسائل کے حل کے لیے سندھ حکومت سنجیدہ ہے۔

وزیر بلدیات کا کہنا تھا کہ کراچی میں صفائی ستھرائی اور کچرہ اٹھانے کی قانونی طور پر ذمہ داری ڈسٹرکٹ میونسپل کارپوریشن کی ہے لیکن ان کی ایماء اور کونسل کی منظوری کے بعد 4 اضلاع میں یہ ذمہ داری سندھ سولڈ ویسٹ مینجمنٹ کو سونپی گئی ہیں۔

Comments

comments

یہ بھی پڑھیں