پی ٹی آئی چیئرمین عمران خان اور ن لیگ کی چیف آرگنائزر مریم نواز کی ایک دوسرے کے خلاف ٹوئٹر پر لفظی جنگ شروع ہوگئی ہے۔
اے آر وائی نیوز کے مطابق پی ٹی آئی چیئرمین و سابق وزیراعظم عمران خان اور مسلم لیگ ن کی چیف آرگنائزر مریم نواز کے درمیان ٹوئٹر پر ایک دوسرے کے خلاف لفظی جنگ شروع ہوگئی ہے اور بلواسطہ تنقید دوبدو زبانی حملوں میں تبدیل ہوگئی ہے۔
عمران خان نے لیگی رہنما کو spoilt brat (بگڑی بچی) کہا تو مریم نواز نے چیئرمین پی ٹی آئی کو سازشوں کا بادشاہ قرار دے دیا۔
عمران خان نے اپنے ٹوئٹ میں لکھا کہ پی ڈی اور کرپشن کے پیسے سے پرورش پانے والی بگڑی بچی مریم نواز کے سپریم کورٹ کے ججوں پر شرمناک اور نپے تلے حملوں کا واحد مقصد انتخابات سے فرار ہے۔ یہ انتخابات سے فرار چاہتے ہیں پھر چاہے یہ آئین کو روند کر ہی حاصل ہو۔
Shameless & calculated attacks on SC judges by PDM & spoilt brat Maryam, nurtured on corruption money, have one purpose only – to run away from elections even by violating Constitution. By attacking SCP, they are damaging the Federation & ensuring law of jungle prevails in Pak.
— Imran Khan (@ImranKhanPTI) February 25, 2023
پی ٹی آئی چیئرمین نے مزید لکھا کہ سپریم کورٹ پرحملوں سے وفاق کو شدید نقصان پہنچا رہا ہے اور یہ یقینی بنا رہے ہیں کہ ملک میں جنگل کاقانون رائج ہو۔
جواب میں مریم نواز نے بھی پے درپے ٹوئٹ داغ دیے۔ لکھا۔ اوہ، طاقتور کیسے گر گئے۔ تمہاری چیخیں غلط نہیں ہیں کیونکہ تم سازشوں کے بادشاہ رہے ہو۔ تم اپنے گاڈ فادر فیض اوراس کے ٹولے کی مدد سے انہی سازشوں پر زندہ اور پھلتے پھولتے رہے ہو لیکن اب بڑے بڑے برج الٹ چکے۔ اب تم دیکھو اسی بگڑی بچی نے تمہیں ہرا دیا، اب تمہارے جیسے لاڈلے اور پیادے ہمیشہ کیلیے دفن ہو جائیں گے۔
Oh,how the mighty have fallen!Your squeals are not amiss as you have been the king of conspiracies,thriving & surviving on them with the help of your Godfather Faiz & his vestiges. Now watch the ‘spoilt brat’ checkmate you so Godsons & pawns like you are relegated to irrelevance. https://t.co/TvBnFnk7VL
— Maryam Nawaz Sharif (@MaryamNSharif) February 25, 2023
لیگی رہنما نے مزید لکھا کہ حقیقت یہ ہے کہ آپ عدالتوں سے گریز کر رہے ہیں اور التوا کی بھیک مانگ رہے ہیں، جو آپ کے مجرم ہونے کا واضح اعتراف ہے۔ پلستر شدہ ٹانگ آپ کو مزید نہیں بچائے گی۔ اٹھو اور قانون کا سامنا کرو۔
The fact that you are avoiding courts and begging for adjournments is a glaring admission of you being guilty. Plastered leg will no more save you. Man up & face the law. https://t.co/hwtGVaPDtg
— Maryam Nawaz Sharif (@MaryamNSharif) February 25, 2023
