چیئرمین پاکستان تحریک انصاف کے چیئرمین وسابق وزیراعظم عمران خان کی آج اسلام آباد کی 4 عدالتوں میں پیشی ہے۔
اے آر وائی نیوز کے مطابق چیئرمین پاکستان تحریک انصاف کے چیئرمین وسابق وزیراعظم عمران خان کی آج اسلام آباد کی 4 عدالتوں میں پیشی ہے۔3 عدالتوں میں طلبی ہے، عمران خان کی جانب سے ضمانت کی درخواست دائر کی جائے گی۔
اسلام آباد میں عمران خان بینکنگ کورٹ میں فارن فنڈنگ ایکٹ کے تحت درج مقدمے میں جج رخشندہ شاہین کے روبرو پیش ہوں گے۔ انہیں عدالت نے ذاتی طور پر طلب کر رکھا ہے اور ان کی ضمانت کی درخواست پر فیصلہ آج متوقع ہے۔
انسدادِ دہشتگردی عدالت کے جج راجا جواد حسن کی عدالت میں بھی پیشی ہے۔ عمران خان ضمانت قبل از گرفتاری کیلیے اے ٹی سی میں درخواست دائر کرینگے۔ عدالت نے عدم پیشی پر عمران خان کی درخواست ضمانت مسترد کر دی تھی۔ درخواست ضمانت دوبارہ دائر کرنے کے لیے ان کی ذاتی حیثیت میں پیشی لازمی ہے۔
اسلام آباد کچہری میں بھی آج عمران خان کے خلاف 2 کیسز کی سماعت ہوگی۔ توشہ خانہ کیس میں عمران خان پر فرد جرم عائد کرنے کیلیے آج کی تاریخ مقرر ہے۔ ایڈیشنل جج ظفر اقبال الیکشن کمیشن کی کمپلینٹ پر سماعت کریں گے۔
اسی عدالت میں اقدام قتل کی دفعات کے تحت تھانہ سیکریٹریٹ میں درج مقدمے میں بھی حاضری لگائیں گے۔
