لاہور : تحریک انصاف کے چیئرمین عمران خان نے گھر کے سرچ وارنٹ منسوخ کرانے کیلئے اےٹی سی سے رجوع کرلیا۔
تفصیلات کے مطابق چیئرمین تحریک انصاف عمران خان نے اپنے گھر کے سرچ وارنٹ منسوخ کرانے کیلئے انسداد دہشت گردی کی عدالت میں درخواست دائر کردی۔
عمران خان نے درخواست میں مؤقف اختیار کیا گیا کہ دہشت گردی عدالت سے18مئی کوپولیس نےسرچ وارنٹ حاصل کیے، پولیس سمیت دیگرنےسرچ وارنٹ بدنیتی کی بنیاد پرحاصل کئے۔
درخواست میں کہا گیا کہ جس مقدمےمیں سرچ وارنٹ حاصل کیےگئےاس میں درخواست گزارکاکوئی کردارنہیں، درخواست گزارنے میڈیا کی موجودگی میں فریقین کوسرچ وارنٹ کی اجازت دےدی۔
عمران خان نے استدعا کی کہ عدالت 18مئی کو جاری سرچ وارنٹ کالعدم قرار دے، درخواست میں کمشنرلاہور،ڈی سی لاہورسمیت دیگر کو فریق بنایا گیا ہے۔
عدالت نے عمران خان کی درخواست پر نوٹسزجاری کرتے ہوئے فریقین سے جواب طلب کرلیا ہے۔
