The news is by your side.

Advertisement

قومی سلامتی اجلاس : معاشی استحکام کی کوششوں‌ کی مکمل حمایت

وزیراعظم عمران خان کی زیرصدارت قومی سلامتی کمیٹی کا اجلاس ہوا

اسلام آباد: وزیراعظم عمران خان کی زیرصدارت قومی سلامتی کمیٹی کا اجلاس ہوا جس میں آرمی چیف سمیت مسلح افواج کے سربراہان اور وزراء نے شرکت کی۔

نمائندہ اے آر وائی نیوز عبدالقادر کے مطابق وزیراعظم کی زیرصدارت قومی سلامتی کمیٹی کےاجلاس کااعلامیہ جاری کیا گیا جس میں بتایا گیا ہے کہ اجلاس میں وفاقی وزیر دفاع پرویز خٹک، مشیر خزانہ عبدالحفیظ شیخ، وفاقی وزیر داخلہ، وزیر قانونی اور اٹارنی جنرل بھی شریک ہوئے۔

اجلاس میں آرمی چیف سمیت مسلح افواج کےسربراہان، چیئرمین جوائنٹ چیفس آف اسٹاف کمیٹی جنرل زبیرمحمودحیات، ڈی جی آئی ایس آئی ،ڈی جی آئی ایس پی آرمیجرجنرل آصف غفور، ڈی جی ایم او،نیشنل سیکیورٹی ڈویژن کےاعلیٰ حکام شریک ہوئے۔ دورانِ اجلاس ملک کی موجودہ علاقائی صورتحال اورجیواسٹریٹجک معاملات پرتبادلہ خیال کیاگیا۔

اعلامیے میں بتایا گیا ہے کہ پاکستان خطےمیں امن کےقیام کےلئےکوششیں جاری رکھےگا، جبکہ اجلاس میں ملکی معاشی صورت حال کا بھی تفصیلی جائزہ لیاگیا، شرکاء نے معیشت کےاستحکام کےلئےحالیہ کوششوں کی مکمل حمایت کےعزم کااعادہ کیا۔

اعلامیے میں بتایا گیا ہے کہ اجلاس میں وزیراعلیٰ گلگلت بلتستان حفیظ الرحمان بھی شریک ہوئے، ایک الگ سیشن میں گلگت بلتستان ریفارمزپربھی بات چیت ہوئی جس میں گلگت کی فیصلہ سازی میں مقامی نوجوانوں کی رائے کو اہمیت دینے  پر بھی بات چیت ہوئی۔

Comments

comments

یہ بھی پڑھیں