The news is by your side.

عمران خان کی عدالت سے دہشت گردی کا مقدمہ خارج کرنے کی استدعا

اسلام آباد : عمران خان نے اپنے خلاف درج کیا گیا دہشت گردی کا مقدمہ خارج کرنے کیلئے اسلام آباد ہائی کورٹ سے رجوع کرلیا۔

اس حوالے سے ذرائع کا کہنا ہے کہ عمران خان کی جانب سے اسلام آباد ہائی کورٹ میں درخواست دائر کردی گئی ہے،

عمران خان نے اپنے وکیل کے توسط سے جمع کرائی گئی درخواست میں عدالت سے دہشت گردی کا مقدمہ خارج کرنے کی استدعا کی ہے۔

انہوں نے اپنی درخواست موقف اختیار کیا کہ میں پاکستان سابق وزیر اعظم رہا ہوں اور ملک کو کرکٹ کا ورلڈ کپ جتوایا ہے۔

درخواست میں کہا گیا ہے کہ میں نے ملک میں امن قائم کرنے کی بھرپور کوشش کی، امریکا کا افغانستان سے انخلا یقینی بنایا۔

انہوں نے کہا کہ میرے دور حکومت میں کورونا وائرس کی عالمی وبا کے دوران ملکی معاشی حالات بچانے کے لئے انتہائی مؤثر اقدامات کیے گئے۔

درخواست میں کہا گیا ہے کہ آئی جی، ڈی آئی جی، خاتون مجسٹریٹ سے متعلق بیان پر مقدمہ کیا گیا، میں نے تینوں افسران کے حوالے قانونی کارروائی کا کہا تھا۔

عمران خان نے درخواست میں استدعا کی کہ میرے خلاف دہشت گردی کا مقدمہ غیر قانونی قرار دیا جائے، درخواست میں آئی جی اسلام آباد، ڈی آئی جی، ایس ایچ او اور مجسٹریٹ کو فریق بنایا گیا ہے۔

Comments

یہ بھی پڑھیں