اسلام آباد : پاکستان تحریک انصاف کے سربراہ عمران خان نے ناصر الملک کو نگراں وزیراعظم مقرر ہونے پر مبارکباد دیتے ہوئے کہا کہ جسٹس(ر)ناصرالملک بہترین انتخاب ہے، وہ انتخابات میں دھاندلی کے ایشوز پر معلومات رکھتے ہیں۔
تفصیلات کے مطابق پی ٹی آئی کے چیئرمین عمران خان نے سماجی رابطے کی ویب سائٹ ٹوئٹر پر ناصر الملک کونگراں وزیراعظم مقررہونے پرمبارکباد دی اور کہا کہ ناصرالمک بہترین انتخاب ہیں،عمران خان وہ انتخابات میں دھاندلی کےمسائل پرمعلومات رکھتے ہیں۔
Want to congratulate Justice (r) Nasir ul Mulk on being appointed Caretaker PM.
— Imran Khan (@ImranKhanPTI) May 28, 2018
جسٹس (ر) ناصرالملک کا نام پی ٹی آئی کےلیےقابل قبول ہے، شاہ محمود قریشی
دوسری جانب پی ٹی آئی کے مرکزی رہنما شاہ محمود قریشی نے کہا کہ جسٹس(ر)ناصرالملک کانام پی ٹی آئی کےلیےقابل قبول ہے، وہ الیکشن اور قانونی معاملات سمجھتے ہیں، شفاف الیکشن نگراں حکومت کی ذمہ داری ہوتی ہے۔
شاہ محمودقریشی کا کہنا تھا کہ جسٹس(ر)ناصرالملک کانام ن لیگ کی فہرست میں شامل تھا لیکن پیپلزپارٹی کی فہرست میں نہیں تھا، جسٹس(ر)ناصرالملک کےنام پرہم سےمشاورت نہیں کی گئی، پی ٹی آئی کوجسٹس(ر)ناصرالملک کےنام پراعتراض نہیں۔
انھوں نے کہا کہ شاہ محمودقریشی نیک نیتی سےجسٹس(ر)ناصرالملک کےہاتھ مضبوط کرناچاہتےہیں، آئین کومدنظررکھتےہوئےجمہوریت تقاضوں کاتسلسل چاہتے ہیں، دھاندلی سےمتعلق فیصلہ ہماری توقعات کےبرعکس تھا، دھاندلی سے متعلق فیصلے کو سر خم تسلیم کیا تھا۔
یاد رہے کہ اپوزیشن لیڈرخورشید شاہ نے وزیراعظم کے ہمراہ پریس کانفرنس کرتے ہوئے نگراں وزیراعظم کے نام کا اعلان کرتے ہوئے کہا کہ سابق چیف جسٹس جسٹس (ر) ناصرالملک نگراں وزیراعظم ہوں گے۔
