The news is by your side.

Advertisement

عمران خان کا سراج الحق سے رابطہ، بیرون سازش سے آگاہ کیا

سابق وزیراعظم و چیئرمین پی ٹی آئی عمران خان کا امیرجماعت اسلامی پاکستان سراج الحق سےٹیلی فونک رابطہ ہوا ہے۔

تفصیلات کے مطابق عمران خان کا وزیراعظم کے منصب سے ہٹائے جانے کے بعد جماعت اسلامی سے یہ پہلا باضابطہ رابطہ ہے۔

ٹیلیفونک رابطے میں ملکی سیاسی صورتحال، دوطرفہ معاملات اور باہمی دلچسپی کےامور پر بات چیت کی گئی۔

عمران خان نے کہا کہ حکومت کو ایک باضابطہ سازش کے تحت ہٹایا گیا قومی رجحانات کی حامل محب وطن قوتوں کو مل کر سازش ناکام بنانی ہوگی۔

امیر جماعت اسلامی سراج الحق کی جانب سے عمران خان کیلئے نیک تمناؤں کا اظہار کیا گیا اور دونوں قائدین نے روابط میں تسلسل برقرار رکھنے پر اتفاق کیا۔

پی ٹی آئی کے مرکزی رہنماؤں پرویز خٹک اور اسد قیصر کو جماعت اسلامی سے روابطہ آگے بڑھانے کا ٹاسک دیا گیا ہے۔

Comments

یہ بھی پڑھیں