27.9 C
Ashburn
بدھ, مئی 22, 2024
اشتہار

میڈیکل بورڈ نے عمران خان کو تندرست قرار دے دیا

اشتہار

حیرت انگیز

اسلام آباد : میڈیکل بورڈ نے چیئرمین پی ٹی آئی عمران خان کو تندرست قرار دیتے ہوئے بنیادی ٹیسٹ کرانے کا فیصلہ کرلیا۔

تفصیلات کے مطابق میڈیکل بورڈ نے عمران خان کو تندرست قرار دے دیا ، ذرائع نے کہا کہ عمران خان نے ڈاکٹرز سے کسی تکلیف کی شکایت نہیں کی، عمران خان کا بلڈ پریشر، شوگر لیول ،نبض ،دھڑکن نارمل تھی.

اسپتال ذرائع کا کہنا تھا کہ عمران خان کا ایک سے زائد بارطبی معائنہ کیا گیا ،معائنہ پمز، پولی کلینک کےمشترکہ میڈیکل بورڈنے کیا۔

- Advertisement -

ذرائع نے بتایا کہ عمران خان کی میڈیکل رپورٹ نیب حکام کے حوالے کردی گئی، جس میں میڈیکل بورڈ نے عمران خان کے بنیادی ٹیسٹ کرانے کا فیصلہ کیا ہے۔

اسپتال ذرائع نے کہا ہے کہ عمران خا ن کا بلڈ سی پی،ایل پی، آر ایف ٹی، ایل ایف ٹی کیا جا رہا ہے، میڈیکل بورڈ کی تجویز پر عمران خان کابلڈ سیمپل لے لیا گیا۔

ذرائع کے مطابق ڈاکٹرز کی تجویز پر عمران خان کے ایکسرے کر لئے گئے ہیں، ڈاکٹرز کو تاحال عمران خان کی ایکسرے رپورٹ موصول نہیں ہوئی،عمران خان کیلئے پورٹ ایبل ایکسرے مشین لائی گئی تھی۔

اسپتال کا کہنا تھا کہ میڈیکل بورڈ نے عمران خان کایورین ٹیسٹ بھی کرانے کا فیصلہ کیا ہے ، جس کے لئے عمران خان سے یورین اینلائسز ٹیسٹ کیلئے سیمپل لے لیا گیا ہے۔

پمز اسپتال کے 5،پولی کلینک کے 2ڈاکٹرز میڈیکل بورڈ کا حصہ تھے، ڈاکٹر رضوان تاج مشترکہ میڈیکل بورڈ کے سربراہ ہیں جبکہ شعبہ میڈیسن، ہڈی جوڑ کے ڈاکٹرز ، شعبہ جنرل سرجری، شعبہ میڈیکولیگل کے ڈاکٹر میڈیکل بورڈ میں شامل ہیں۔

Comments

اہم ترین

جہانگیر خان
جہانگیر خان
جہانگیر خان اے آر وائی نیوز اسلام آباد کے نمائندے ہیں۔ وہ پارلیمانی امور، صحت، کشمیر، جی بی اور پیپلز پارٹی سے متعلق خبریں رپورٹ کرتے ہیں۔

مزید خبریں