The news is by your side.

Advertisement

وزیراعظم عمران خان کے ہم شکل نوجوان سے ملیے

جسے پہلی نظر میں دیکھنے والا دھوکہ کھائے بنا نہیں رہ سکتا

کراچی : یوں تو بہت سارے عام لوگوں کے چہرے نامور شخصیات سے ملتے ہیں لیکن اس بار ہم آپ کو ایک ایسے نوجوان سے ملواتے ہیں جن کی شکل وزیر اعظم عمران خان سے بہت ہی زیادہ ملتی ہے۔

گزشتہ کچھ دنوں سے سوشل میڈیا پر وزیر اعظم عمران خان کے ایک ہم شکل نوجوان کی ویڈیو وائرل ہو رہی ہے، یہ ہی نہیں اس نوجوان کے چہرے کے تاثرات بھی وزیر اعظم سے کافی میل رکھتے ہیں جسے پہلی نظر میں  دیکھنے والا دھوکہ کھائے بنا نہیں رہ سکتا۔

اس نوجوان کا نام شاہ حسین خان ہے، سوات سے تعلق رکھنے والا یہ نوجوان روزگار کیلئے سیالکوٹ میں مقیم ہے اس کی مقبولیت کا یہ عالم ہے کہ لوگ اسے دیکھ کر خوشگوار حیرت کا اظہار کرتے ہوئے اس کے ساتھ سیلفی بنا کر فخریہ انداز میں اپنے دوستوں سے شیئر بھی کرتے ہیں۔

اے آر وائی نیوز کے نمائندے سے خصوصی گفتگو میں شاہ حسین نے کہا کہ مجھے بہت خوشی محسوس ہوتی ہے جب لوگ مجھے عمران خان کا ہم شکل کہہ کر اپنی محبت کا اظہار کرتے ہیں اور میرے ساتھ تصاویر بنواتے ہیں۔

شاہ حسین خان کا کہنا تھا کہ مجھے وزیر اعظم سے ملنے کی شدید خواہش ہے اگر میری ان سے ملاقات ہوئی تو ان سے یہی کہوں گا کہ لوگوں کو جو آپ سے امیدیں ہیں انہیں پورا کرنے کی ضرور کوشش کریں۔

ایک سوال کے جواب میں شاہ حسین نے کہا کہ مجھے بھی کرکٹ کا بہت شوق ہے اور میں بہت اچھی کرکٹ کھیلتا ہوں، انہوں نے کہا کہ ان دنوں سوات میں بہت برف پڑتی ہے جس کی وجہ سے روزگار مشکل ہوجاتا ہے اس لیے سیالکوٹ آکر کام کرتا ہوں۔

Comments

یہ بھی پڑھیں