اسلام آباد : چیئرمین تحریک انصاف عمران خان نے 9 مقدمات میں میڈیکل گراؤنڈ کی بنیاد پر حاضری سے استثنیٰ کیلئے درخواست دائر کردی۔
تفصیلات کے مطابق چیئرمین پی ٹی آئی عمران خان کی 9مقدمات میں عبوری درخواست ضمانت پرسماعت آج ہوگی۔
اسلام آباد ہائی کورٹ میں عمران خان نے حاضری سے استثنیٰ کیلئے درخواست دائرکردی، جس میں استدعا کی گئی ہے کہ میڈیکل گراؤنڈ کی بنیادپرہائیکورٹ حاضری سےاستثنیٰ منظورکرے۔
اسلام آباد:درخواست کیساتھ شوکت خانم کی میڈیکل رپورٹ بھی منسلک کی گئی ہے ، درخواست میں موقف اختیار کیا گیا ہے کہ کل لاہور ہائی کورٹ پیشی کے دوران دھکم پیل سے پاؤں میں چوٹ لگی، چوٹ لگنے سے گولی لگنے والے زخم دوبارہ تازہ ہوگئے۔
درخواست میں کہا گیا کہ عمران خان اسلام آباد ہائی کورٹ میں پیش ہونا چاہتے تھے لیکن عمران خان چلنے پھرنے سے قاصر ہیں،ڈاکٹرز نے آرام کا مشورہ دیا ہے۔
رجسٹرارآفس نے پی ٹی آئی چیئرمین عمران خان کی درخواست وصول کرلی ہے۔
