تازہ ترین

عمران خان نئی پارٹی کی تلاش شروع کردیں، امیرمقام

پشاور: وزیراعظم کے مشیر امیر مقام نے کہا ہے کہ پاکستان تحریک انصاف کے چیئرمین عمران خان ہمارے لئے نیا وزیراعظم ڈھونڈنے کے بجائے اپنے لئے نئی پارٹی ڈھونڈنا شروع کردیں۔

پشاور میں پاکستان مسلم لیگ (ن) فاٹا کے ورکرز کنونشن سے خطاب کے دوران وزیراعظم کے مشیر امیر مقام کا کہنا تھا کہ پاناما کیس نے عمران خان کو ڈبو دیا ہے جس کی وجہ سے ان کی اپنی جماعت ٹولوں میں تقسیم ہو رہی ہے۔

انہوں نے کہا کہ حکومت قبائلی عوام کو قومی دھارے میں لائے گی اور قبائلی علاقوں سے ایف سی آر کے خاتمے کا سہرا بھی وزیراعظم نواز میاں محمد نوازشریف کے سر ہی سجے گا۔

پڑھیں: ’’ سپریم کورٹ میں پاناماکیس کی سماعت کل تک ملتوی ‘‘

خیال رہے پاناما لیکس کیس آج سپریم کورٹ میں ہوئی تھی، جہاں فریقین نے اپنے دلائل پیش کیے، جسٹس آصف سعید کھوسہ نے گزشتہ روز آرٹیکل 62-63 کے حوالے دیے گئے ریمارکس پر معذرت کرتے ہوئے انہیں واپس لیا۔

Comments

- Advertisement -