اسلام آباد : وزیراعظم عمران خان نے کہا ہے کہ بھارتی حکومت کی بدمعاشیوں سے عالمی نظام کو خطرہ ہے، بھارت کا گمراہ کن نیٹ ورک بے نقاب ہونے سے پاکستان کا موقف درست ثابت ہوگیا۔
سماجی رابطے کی ویب سائٹ ٹوئٹر پر اپنے پیغام میں ان کا کہنا تھا کہ گمراہ کن خبروں کے بھارتی نیٹ ورک بےنقاب ہوا، ڈس انفو کے انکشافات سے پاکستان کا موقف درست ثابت ہوا۔
Pakistan has consistently drawn attention of int community to India’s subversive activities to undermine democracies in the region; & export/ fund extremism through structures of fake news orgs & “think tanks”. Recently GoP provided dossier to UN of India’s state terrorism in Pak
— Imran Khan (@ImranKhanPTI) December 10, 2020
وزیراعظم نے کہا کہ دنیا بدمعاش بھارت کی تخریبی سرگرمیوں کا نوٹس لے، بھارتی حکومت کی بدمعاشیوں سے عالمی نظام کو خطرہ ہے، پاکستان خطے میں جمہوریت کے خلاف بھارتی سرگرمیوں کی نشاندہی کرتا رہا ہے۔
The revelations by @DisinfoEU on the widespread Indian network of subversive activities vindicates Pakistan’s position & exposes its detractors. The international community needs to take notice of a rogue Indian regime that now threatens the stability of the global system.
— Imran Khan (@ImranKhanPTI) December 10, 2020
انہوں نے کہا کہ بھارت جعلی خبروں کے نیٹ ورک سے انتہاء پسندی کو ہوا دے رہا ہے، ہم بھارت کی ریاستی دہشت گردی کا ڈوزیئر پہلے ہی اقوام متحدہ کو دے چکے ہیں۔
مزید پڑھیں : گمراہ کن خبروں کا بھارتی نیٹ ورک بےنقاب، عالمی ادارے کے تہلکہ خیز انکشافات
واضح رہے کہ یورپی یونین کے تحقیقاتی ادارے ڈس انفولیب نے اپنی رپورٹ میں جھوٹے پروپیگنڈے اور گمراہ کن خبروں کے لیے بنائے جانے والے بھارتی نیٹ ورک سے متعلق تہلکہ خیز انکشافات کیے۔
رپورٹ میں بتایا گیا ہے کہ بھارتی نیٹ ورک گزشتہ پندرہ سالوں سے اقوامِ متحدہ اور یورپی یونین کو جھانسہ دے رہا ہے جبکہ پاکستان کے خلاف ہرزہ سرائی میں بھی مصروف ہے۔
