اسلام آباد : چیئرمین پی ٹی آئی عمران خان کا معائنہ نیب دفتر میں کئے جانے کا امکان ہے، نیب کے طلب کرنے پر میڈیکل بورڈ معائنہ کرنے کیلئے جائے گا۔
تفصیلات کے مطابق پولی کلینک ذرائع کی جانب سے کہا گیا ہے کہ نیب نے عمران خان کے طبی معائنے کیلئے تاحال رابطہ نہیں کیا، نیب کے طلب کرنے پر میڈیکل بورڈعمران خان کےمعائنےکیلئے جائے گا۔
ذرائع کا کہنا تھا کہ عمران خان کا معائنہ نیب دفتر میں کئے جانے کا واضح امکان ہے، سیکورٹی صورتحال کے پیش نظر عمران خان کی اسپتال منتقلی کا امکان کم ہے۔
پولی کلینک نے کہا کہ عمران خان کے میڈیکل بورڈ میں شامل ڈاکٹرز الرٹ ہیں، نیب کے طلب کرنے پر میڈیکل بورڈ معائنہ کرنے کیلئے جائے گا۔
یاد رہے پاکستان تحریک انصاف کے چیئرمین اور سابق وزیراعظم عمران خان کو اسلام آباد ہائیکورٹ کے احاطے سے گرفتار کرلیا گیا تھا۔
عمران خان کو رینجرز نے القادر ٹرسٹ کیس میں گرفتار کرنے کے بعد نیب کے حوالے کیا، جس کے بعد عمران خان کو نیب راولپنڈی منتقل کر دیا گیا ہے۔
بعد ازاں نیب راولپنڈی نے پول کلینک اسپتال سے رابطہ کیا اور اسپتال انتظامیہ سے عمران خان کے طبی معائنے کی درخواست کی ہے۔
ذرائع کا کہنا تھا کہ پولی کلینک انتظامیہ نے نیب کو تحریری درخواست دینے کی ہدایت کی ہے۔ ذرائع کے مطابق عمران کان کے طبی معائنے کے لیے خصوصی میڈیکل بورڈ تشکیل دیا جائے گا۔
