اسلام آباد: پولیس لائنز میں چیئرمین تحریک انصاف عمران خان سے وکلا نے ملاقات کی اور کیس کے حوالے سے مشاورت کی۔
تفصیلات کے مطابق چیئرمین تحریک انصاف عمران خان کے وکلا شیر افضل، خواجہ حارث اور بیرسٹر گوہر پولیس لائنز پہنچے ، جہاں انھوں نے عمران خان سے ملاقات کی۔
ملاقات میں وکلا عمران خان سے کیس کے حوالے سے مشاورت کررہے ہیں، پولیس لائنز کی آفیسرز رہائشگاہ نمبر 11کوعدالت کا درجہ دیا گیا ہے۔
- Advertisement -
گزشتہ روز سابق وزیراعظم اور پی ٹی آئی چیئرمین عمران خان کو اسلام آباد ہائیکورٹ کے احاطے سے رینجرز نے گرفتار کیا تھا۔
ان کی گرفتاری نیب کے القادر ٹرسٹ کیس میں عمل میں لائی گئی تھی اور گرفتاری کے بعد پی ٹی آئی چیئرمین کو نیب راولپنڈی آفس منتقل کر دیا گیا تھا۔