لاہور : وزیراعلیٰ پنجاب پرویز الٰہی نے عمران خان کو اسمبلی تحلیل معاملے کو سیاسی صورتحال میں مؤثر طریقے کیساتھ جوڑنے کا مشورہ دے دیا۔
تفصیلات کے مطابق چیئرمین پی ٹی آئی عمران خان سے وزیراعلیٰ پنجاب پرویزالہٰی کی ملاقات کا احوال سامنے آگیا۔
ذرائع نے بتایا ہے کہ پرویز الٰہی نے اسمبلی تحلیل معاملےکوسیاسی صورتحال میں مؤثر طریقے کیساتھ جوڑنے کا مشورہ دے دیا۔
پرویزالہٰی نے کہا کہ اسمبلیوں سے استعفوں کافیصلہ عمران خان کاہےجسکی مکمل حمایت کرتےہیں، اسمبلیاں تحلیل اور مستعفی ہونے ]پرملک کو عام انتخابات کی طرف جانا چاہیے۔
وزیراعلیٰ پنجاب نے مشورہ دیا کہ پنجاب اسمبلی تحلیل کرنے سے قبل پی ڈی ایم کو آئینی آپشنز استعمال کرنے دیں ، پی ڈی ایم کے پاس پنجاب میں عدم اعتماد کیلئےمطلوبہ ارکان نہیں۔
چوہدری پرویز الٰہی کا کہنا تھا کہ پی ڈی ایم صرف شور شرابہ کر رہی ہے ان کو ایوان میں شکست فاش دیں گے۔
ذرائع کا کہنا ہے کہ پرویز الٰہی اور مونس الہٰی نے عمران خان کو اپنی مکمل حمایت کی یقین دہانی کرادی، ملاقات میں پنجاب اسمبلی کی تحلیل کے حوالے سے لائحہ عمل طے کرنے پر مشاورت کی، عمران خان کل پنجاب کی پارلیمانی پارٹی سے ملاقات کریں گے،ذرائع
