The news is by your side.

Advertisement

اسلام آباد: پی ٹی آئی کارکنوں‌ کو پہیہ جام، فیض آباد ایکسپریس وے بند کرنے کی ہدایت

لاہور:چیئرمین عمران خان نے دو نومبر کے دھرنے کے لیے اسلام آباد میں پہیہ جام کرنے کی ہدایت کردی،فیض آباد ایکسپریس وے کو بند کیا جائے گا، شہر کے داخلی راستوں پر مقامی قیادت بیٹھے گی، خیبر پختون خوا کے کارکن بیک اپ پر رہیں گے اور کریک ڈائون کی صورت میں اسلام آباد پہنچیں گے۔

پاکستان تحریک انصاف کے کور گروپ کے اجلاس کی اندرونی کہانی سامنے آگئی جس کے مطابق کور کمیٹی کے اجلاس میں شرکا نے فیصلہ کیا ہے کہ مرکزی دھرنے کے لیے زیرو پوائنٹ سے اسلام آباد جانے والے فیض آبادایکسپریس وے کو بند کیا جائےگا، اسلام آباد کے داخلی راستوں پر مقامی یونین کونسل کے عہدے دار بیٹھیں گے۔

ذرائع کے مطابق عمران خان نے دو نومبر کے دھرنے کے لیے کارکنوں کو اسلام آباد میں پہیہ جام کرنے کی ہدایت کی ہے۔

اجلاس میں یہ بھی فیصلہ کیا گیا کہ خیبر پختون خوا سے تعلق رکھنے والے کارکنوں کو بیک اپ فورس کے طور پر تیار رکھنے کا فیصلہ کیا گیا ہے کسی بھی کریک ڈائون کی صورت میں یہ تمام کارکنان اسلام آباد پہنچیں گے۔

احتجاج کی کوریج کے لیے میڈیا کمیٹی قائم

دریں اثنا احتجاج کی کوریج کے لیے عمران خان نے میڈیا کمیٹی بھی قائم کردی ہے جس میں  اسد عمر،نعیم الحق، شفقت محمود،شیریں مزاری،فیصل جاوید ،عثمان ڈار اور افتخار درانی شامل ہیں جب کہ میڈیا کمیٹی کی سربراہی عمران خان خود کریں گے۔

Comments

comments

یہ بھی پڑھیں