اسلام آباد : تحریک انصاف کے چیئرمین عمران خان سمیت پی ٹی آئی کے دیگر رہنماؤں کے خلاف اسلام آباد کے مختلف تھانوں میں سولہ مقدمات درج کرلئے گئے۔
تفصیلات کے مطابق پی ٹی آئی رہنماؤن اورکارکنوں کے خلاف مقدمات کاسلسلہ جاری ہے ، اسلام آباد میں پی ٹی آئی چیئرمین عمران خان سمیت دیگر رہنماؤں کے خلاف 16 مقدمات کا اندراج کردیا گیا۔
مقدمے میں عمران خان کے علاوہ اسد عمر،شیریں مزاری،زرتاج گل ، خرم نواز، شاہ محمودقریشی ،علی امین گنڈا پورکے نام شامل ہیں۔
مقدمات اسلام آباد کے تھانہ کراچی کمپنی ،آبپارہ تھانہ ،ترنول، کوہسار، بھارہ کہو، تھانا رمنا، سیکرٹریٹ ، لوہی بھیر میں درج کئے گئے جبکہ متعدد تھانوں میں 2 مقدمات بھی درج ہوئے ہیں۔
مقدمےمیں راستوں کی بندش، کارسررکار مداخلت ،پولیس اہلکاروں پرحملہ ،املاک کو نقصان پہنچانے کی دفعات شامل کی گئی ہیں جبکہ 200 نامعلوم تحریک انصاف کے کارکنان کو بھی نامزد کیا گیا ہے۔
