The news is by your side.

Advertisement

عمران خان کا اسلام آباد جانے کا شیڈول آخری لمحات میں تبدیل

ملتان: پاکستان تحریک انصاف کے چیئرمین اور سابق وزیر اعظم عمران خان کا دارالحکومت اسلام آباد جانے کا شیڈول آخری لمحات میں تبدیل ہوگیا۔

چیئرمین پی ٹی آئی عمران خان ملتان جلسے سے اسلام آباد کے بجائے پشاور کے لیے روانہ ہوگئے۔ عمران خان نے آخری لمحات میں اسلام آباد جانے کا پروگرام تبدیل کیا۔ وہ اسلام آباد مارچ کا حتمی اعلان اتوار کو پشاور سے کریں گے۔

قبل ازیں جلسے سے خطاب کرتے ہوئے عمران خان نے کہا کہ پشاور میں کور کمیٹی کا اجلاس طلب کیا ہے، مارچ کا اعلان پرسوں (اتوار) کروں گا، 25 سے 29 مئی کے درمیان مارچ ہو سکتا ہے۔

عمران خان نے اسلام آباد مارچ میں صرف ایک ہی مطالبہ ہوگا کہ اسمبلی تحلیل کریں اور فوری الیکشن کرائیں۔

انہوں نے کہا کہ ایک امریکی انڈر سیکریٹری ڈونلڈ لو کہتا ہے کہ عمران خان کو ہٹایا تو پاکستان کو معاف کر دیں گے، میں بتا دوں کہ پاکستان کو کسی سے معافی کی ضرورت نہیں کیوں کہ یہ خوددار قوم ہے، یہ حضور ﷺ کی امت ہے۔

چیئرمین پی ٹی آئی نے کہا کہ ملک میں بدقسمتی سے اشرافیہ ہے، ایلیٹ نے 22 کروڑ عوام کے منتخب کردہ وزیر اعظم کیلئے سازش رچائی، نواز شریف نے باہر بیٹھ کر سازش کی، یہاں سے زرداری ساتھ مل گیا، یہ سمجھے پی ٹی آئی اور عمران خان کی قبر کھو دی گئی ہے انہیں اللہ حافظ کہہ دو۔

Comments

یہ بھی پڑھیں