اسلام آباد : پاکستان تحریک انصاف کے چیئرمین عمران خان نے عیدالاضحیٰ کے موقع پر پوری امت مسلمہ کو مبارک باد پیش کی ہے۔
سماجی رابطے کی ویب سائٹ ٹویٓئٹر پر اپنے پیغام میں انہوں نے دنیا بھر کے مسلمانوں کو عید مبارک کہتے ہوئے کہا ہے کہ عیدِ سعید ہمیں عظیم قربانی کی یاد دلاتی ہے
ان کا کہنا ہے کہ اس عید کی خوشیاں مناتے ہوئے اور رب العزت کے احسانات پر کلماتِ شکر ادا کریں۔
دنیا بھر کے مسلمانوں کو عید مبارک! عیدِ سعید جو ہمیں عظیم قربانی کی یاد دلاتی ہے، کی خوشیاں مناتے اور رب العزت کے احسانات پر کلماتِ شکر ادا کرتے ہوئے آئیے جبر اور ظالمانہ تسلط کے شکار اپنے پیاروں سے محروم اہلِ کشمیر و فلسطین کو یاد کرتے ہوئے ان کے لئے دستِ دعا دراز کیجئے۔
— Imran Khan (@ImranKhanPTI) July 10, 2022
انہوں نے کہا کہ اس موقع پر ظالم سامراج کے جبر اور ظالمانہ تسلط کے شکار اپنے پیاروں سے محروم اہلِ کشمیر و فلسطین کو یاد کرتے ہوئے ان کے لئے دستِ دعا دراز کیجئے۔
چیئر مین پی ٹی آئی عمران خان نے بنی گالہ کی مقامی مسجد مین نماز عید ادا کی، اس موقع پر ملکی سلامتی و ترقی خوشحالی کیلئے خصوصی دعائیں مانگی گئیں۔
