لاہور : پی ٹی آئی کے چیئرمین عمران خان نے ایک مرتبہ پھر کارکنان کے جوش و جنون کو گرمانے کیلئے الیکشن ریلی نکالنے کا فیصلہ کیا ہے، اس سلسلے میں وہ آج زمان پارک سے داتا دربار تک نکالی جانے والی ریلی کی قیادت کریں گے۔
پی ٹی آئی ذرائع کے مطابق
چئیرمین پی ٹی آئی عمران خان آج لاہور میں ایک تاریخی ریلی بنام "عدلیہ بچاؤ پاکستان بچاؤ” کی قیادت سے الیکشن کیمپین کا آغاز کریں گے۔ اس سلسلے میں زمان پارک میں آنے والے تمام قافلوں کا اکمل خان باری استقبال کریں گے، عمران خان کی قیادت میں ریلی ایک بجے داتا دربار کی طرف روانہ ہوگی، راستوں میں مختلف مقامات پر مقامی رہنماؤں کی جانب سے ریلی کے شرکاء کا استقبال کیا جائے گا۔
چئیرمین پی ٹی آئی عمران خان کل لاہور میں ایک تاریخی ریلی کی قیادت سے الیکشن کیمپین کا آغاز کریں گے۔
ریلی زمان پارک سے شروع ہوکر
کنال روڈ، اچھرہ، مزنگ، ایم-اے-او کالج، ناصر باغ سے ہوتے ہوئے داتا دربار تک جائے گی۔ #عدلیہ_بچاؤ_پاکستان_بچاؤ pic.twitter.com/o88S9OvqMe— PTI (@PTIofficial) March 7, 2023
مال روڈ انڈرپاس کے بعد شرکا کیلئےدودھ کی سبیل لگائی جائے گی، جس کے بعد ریلی جیل روڈ انڈر پاس، ایف سی کالج انڈرپاس فیروز پور روڈ ، مسلم ٹاؤن موڑ فیروز پور روڈ، پتھرمارکیٹ، مین اچھرہ چوک، ایل او ایس چوک سے ہوتی ہوئی مزنگ چونگی پہنچے گی جہاں عمران خان شرکاء سے خطاب کرینگے، ان کا یہ خطاب بڑی اسکرین پر دکھایا جائے گا۔
اس بعد مذکورہ ریلی لٹن روڈ، ایم اے او کالج، پی ایم جی چوک، گورنمنٹ کالج، سینٹرل ماڈل اسکول
سے ہوتی ہوئی داتا دربار چوک پر اختتام پذیر ہوگی۔ جہاں پی ٹی آئی کے دیگر رہنما شرکاء کے استقبال کیلئے موجود ہوں گے۔
