لاہور: چیئر مین پی ٹی آئی عمران خان نے کہا کہ پرویز الہیٰ ہمارے ساتھ کھڑے ہیں۔
چیئرمین پی ٹی آئی عمران خان نے ارکان پنجاب اسمبلی سے ملاقات کے بعد گفتگو میں کہا کہ چوہدری پرویز الٰہی دباؤ لے لیتے ہیں، لیکن ہم جب کہیں گے پرویز الٰہی اسمبلی تحلیل کرنےکی سمری بھجوا دیں گے۔
سابق وزید اعظم کا کہنا تھا کہ جمعہ کو دما دم مست قلندر ہوگا، پرویز الٰہی ہمارے ساتھ کھڑے ہیں، جبکہ مونس الٰہی نےبھی ساتھ دینےکی یقین دہانی کرائی ہے۔
- Advertisement -
واضح رہے کہ آج چیئر مین پی ٹی آئی عمران خان نے ارکان اسمبلی سے ملاقات کی، عمران خان نے اسمبلیاں توڑنے سے متعلق اراکین اسمبلی سے رائے لی۔
ذرائع کے مطابق عمران خان نے ارکان سے انتخابات کی تیاریوں کے حوالے سے رپورٹ لی۔
