site
stats
پاکستان

فیصل واوڈا کی ایم کیو ایم اور پی ایس پی سے بغیر اطلاع دیے ملاقات پرعمران خان نالاں

لاہور : چیئرمین تحریک انصاف عمران خان نے کہا ہے کہ فیصل واوڈا ہمیں بتائے بغیر ایم کیو ایم اور پی ایس پی سے ملے جس پر عارف علوی فیصل واوڈا سے وضاحت طلب کریں گے.

عمران خان بلین ٹری کنونش کے اختتام پر میڈیا سے گفتگو کر رہے تھے انہوں نے ایک سوال کے جواب میں انہوں نے وضاحت کی فیصل واوڈا پارٹی قیادت کو آگاہ کیے بغیر ایم کیو ایم اور پی ایس پی قیادت سے ملے جس پر پارٹی ایکشن لے گی اور عارف علوی فیصل واوڈا سے وضاحت لیں گے.

انہوں نے کہا کہ قوم حدیبیہ پیپرملز کیس کی طرف دیکھ رہی ہے اور یہ حیران ہیں میرٹ پر فیصلے کیسے ہورہے ہیں؟ مسلم لیگ (ن) میں باغی گروپ بن چکا ہے اور سینئر لیڈرز اب نوازشریف کے ساتھ نہیں رہے کئی باغی اراکین کے ہمارے ساتھ رابطے ہیں جب کہ شاہد خاقان عباسی مفلوج وزیراعظم ہیں.

عمران خان نے کہا کہ مجھ سے عدالت نے جو بھی چیزمانگی میں نے فراہم کی ہے اور اگر ایک بھی جعلی کاغذ دیا ہو تو اس مقدمے سے میں خود نکل جاؤں گا، مجھے فیصلے کی کوئی فکرنہیں جو بھی فیصلہ آئے گا قبول کروں گا اگر بددیانت ہوتا تو برطانیہ میں ٹیکس نہ دینے پر دھر لیا جاتا.

خیال رہے کہ گزشتہ ایم کیو ایم اور پی ایس پی درمیان ہونے والی میٹنگ میں تیسری سیاسی جماعت کے رہنما کی موجودگی کا بھی انکشاف ہوا تھا اور جنہوں نے ایم کیو ایم اور پی ایس پی کے درمیان اتحاد میں کلیدی کردار کیا تاہم چند سیاسی تجزیہ نگاروں کا دعوی ہے کہ میٹنگ میں موجود تیسری شخصیت فیصل واوڈا تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top