The news is by your side.

’عدالتی حکم کے باوجود اے آر وائی کی نشریات بحال نہ کرنا افسوسناک ہے‘

اسلام آباد: پاکستان تحریک انصاف کے چیئرمین اور سابق وزیر اعظم عمران خان کا کہنا ہے کہ عدالتی حکم کے باوجود اے آر وائی نیوز کی نشریات بحال نہ کرنا افسوس ناک ہے۔

عمران خان کی زیرِ صدارت پارٹی رہنماؤں کا مشاورتی اجلاس ہوا جس میں موجودہ سیاسی صورتِ حال اور آئندہ کی حکمت عملی پر مشاورت ہوئی۔

چیئرمین پی ٹی آئی نے پارٹی رہنماؤں کو 21 اگست کے جلسے کی بھرپور تیاریوں کی ہدایت کر دی۔ طے ہوا کہ عمران خان کل راولپنڈی میں ریلی کی قیادت کریں گے۔ ریلی راولپنڈی سے شروع ہو کر ایف نائن پارک پر اختتام پذیر ہوگی۔

اجلاس میں شہباز گل پر تشدد پر سخت تشویش کا اظہار کیا گیا۔ عمران خان نے قانونی ٹیم کو شہباز گل کا مقدمہ بھرپور انداز میں لڑنے کی ہدایت کر دی۔ شہباز گل کو بھرپور قانونی و اخلاقی معاونت فراہم کرنے کا فیصلہ کیا گیا۔

عمران خان نے اجلاس میں اے آر وائی نیوز کی بندش پر شدید اظہارِ تشویش کیا۔ انہوں نے کہا کہ اے آر وائی نیوز کو جان بوجھ کر انتقامی کارروائی کا نشانہ بنایا جا رہا ہے۔

Comments

یہ بھی پڑھیں