The news is by your side.

Advertisement

وزیراعظم اب ہارس ٹریڈنگ کےخلاف چیخ وپکارکررہے ہیں‘ عمران خان

اسلام آباد : پاکستان تحریک انصاف کے سربراہ عمران خان کا کہنا ہے کہ وزیراعظم کو اب خیال آیا کہ سینیٹ انتخابات میں فیصلہ کن کردار سرمائے نے ادا کیا۔

تفصیلات کے مطابق چیئرمین پاکستان تحریک انصاف عمران خان نے سماجی رابطے کی ویب سائٹ ٹویٹر پراپنے پیغام میں کہا کہ وزیراعظم اب ہارس ٹریڈنگ کے خلاف چیخ وپکارکررہے ہیں، کہا جا رہا ہے سینیٹ الیکشن میں پیسےکا استعمال ہوا۔

عمران خان نے کہا کہ حکمران جماعت کو فکرتھی تو ہماری تجویزکی حمایت کیوں نہیں کی، سینیٹ الیکشن کے طریقہ کار کو تبدیل کرنے کی تجویزدی تھی، ہماری تجویزکا مقصد سینیٹ الیکشن میں غلط طریقہ کارکوروکنا تھا۔

Imran Khan

پاکستان تحریک انصاف کے سربراہ عمران خان نے سوال کیا کہ کیا 10 ارب ڈالرسالانہ منی لانڈرنگ پاکستان کا ایشونہیں؟، منی لانڈرنگ پاکستان کومعاشی طورپرتباہ کررہی ہے۔

سینیٹ انتخابات میں ایک بار پھر شرمناک ہارس ٹریڈنگ ہوئی: عمران خان

خیال رہے کہ 4 مارچ کوپاکستان تحریک انصاف کے سربراہ عمران خان کا کہنا تھا کہ عوام نے اپنے نمائندوں کو بولی لگانے والوں کے ہاتھوں بکتے دیکھا، سینیٹ انتخابات میں ایک بار پھر شرمناک ہارس ٹریڈنگ ہوئی۔

یاد رہے کہ 14 مارچ کووزیر مملکت برائے اطلاعات ونشریات مریم اورنگزیب کا کہنا تھا کہ زرداری اور عمران ہارس ٹریڈنگ کے بادشاہ ہیں، جو تماشہ ہوا سب نے دیکھا، ن لیگ واحد پارٹی ہے، جس نے ارکان کی خرید و فروخت نہیں کی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں