منگل, جون 18, 2024
اشتہار

عمران خان کو نہ باہرنکلنے دیں گے نہ پولیس کو اندر جانے دیں گے، بہن علیمہ خان ڈٹ گئیں

اشتہار

حیرت انگیز

لاہور: تحریک انصاف کے چیئرمین عمران خان کی بہن علیمہ خان کا کہنا ہے کہ عمران خان کو نہ باہرنکلنے دیں گے نہ پولیس کو اندر جانے دیں گے۔

تفصیلات کے مطابق تحریک انصاف کے چیئرمین عمران خان کی بہن علیمہ خان نے زمان پارک میں کارکنان سے ملاقات کی۔

اس موقع پر علیمہ خان نے میڈیا سے گفتگو کرتے ہوئے کہا سوال کیا عمران خان کیادہشت گردہے، سب سے بڑا دہشت گرد رانا ثنااللہ ہے، عمران خان کونہ باہرنکلنے دیں گے نہ پولیس کو اندر جانے دیں گے۔

- Advertisement -

انھوں نے کہا کہ شیلنگ کرنے والے بھی ہمارے بچے ہیں اور جن پر شیلنگ ہورہی ہے وہ بھی ہمارے بچے ہیں۔

عمران خان کی بہن کا کہنا تھا کہ ظالم حکمرانوں نے کس طرح ہمیں آمنے سامنے کردیا ہے ، ظالم حکمرانوں سے جنگ جاری رہے گی۔

انھوں نے کہا کہ یہ عمران خان کی جنگ نہیں ہے، پاکستان کو ان ظالم لوگوں کی حوالے نہیں کرسکتے، ہم عمران خان کے ساتھ اور یہاں موجود بچوں کے ساتھ کھڑے ہیں، ہم پیچھے نہیں ہٹیں گے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں