اسلام آباد : چیئرمین تحریک انصاف عمران خان نے جیل میں قید یاسین ملک سے ناروا سلوک کی شدید مذمت کرتے ہوئے بھارت کیخلاف کارروائی کا مطالبہ کردیا۔
تفصیلات کے مطابق چیئرمین تحریک انصاف اور سابق وزیراعظم عمران خان نے سماجی رابطے کی ویب سائٹ ٹوئٹر پر اپنے بیان میں کہا کہ یاسین ملک کوبھوک ہڑتال پرمجبورکرنےکی شدید مذمت کرتے ہیں، تہاڑجیل میں قید کشمیری رہنما یاسین ملک کی جان انتہائی خطرے میں ہے، بین الاقوامی تنظیموں سے مطالبہ کرتاہوں بھارت کیخلاف کارروائی کریں اور یاسین ملک کی جان بچائیں۔
Strongly condemn fascist Modi govt’s continuing torture of Kashmiri leader Yasin Malik in Tihar jail forcing him to go on hunger strike. His life is in extreme danger. I call on UNSG, UNHCHR & internatonal human rights orgs to take action against India & save Yasin Malik’s life.
— Imran Khan (@ImranKhanPTI) July 26, 2022
خیال رہے کشمیر کے حریت رہنما یاسین ملک نے بھارتی عدلیہ کی ناانصافی کے خلاف تہاڑ جیل میں بھوک ہڑتال پر ہے۔
یاسین ملک کی اہلیہ مشعال ملک نے اپنے ایک بیان میں کہا تھا کہ یاسین ملک نے بھارتی عدلیہ کی ناانصافی کے خلاف بھوک ہڑتال کی ہے، ان کے ساتھ بھارتی عدالتوں کے رویہ پر دنیا کی خاموشی پر افسوس ہے۔
واضح رہے کہ بھارتی عدالت نے یاسین ملک کو ایک جھوٹے مقدمے میں عمر قید اور جرمانہ کی سزا سنا رکھی ہے۔ ان پر دہشت گردوں کی فنڈنگ کرنے کا الزام ہے۔
