پاکستان تحریک انصاف کے چیئرمین اور سابق وزیراعظم عمران خان نے مینار پاکستان پر کامیاب جلسے پر لاہور کے شہریوں کا شکریہ ادا کیا ہے۔
اے آر وائی نیوز کے مطابق پاکستان تحریک انصاف کے چیئرمین اور سابق وزیراعظم عمران خان نے گزشتہ شب مینار پاکستان کے جلسے کی کامیابی اور عوام کی بھرپور شرکت پر سماجی رابطوں کی ویب سائٹ ٹوئٹر پر شہریوں سے اظہار تشکر کیا ہے۔
عمران خان نے اپنے ٹویٹ میں کہا ہے کہ بدمعاشوں کے لاہور کو بند کرنے اور ہمرے دو ہزار کارکنوں کو گرفتار کرنے کے باوجود لاہور کے لوگ مینار پاکستان جلسے کو کامیاب بنانے کے لیے بڑی تعداد میں آئے۔
پی ٹی آئی چیئرمین نے کہا کہ میں خاص طور پر لاہوریوں کا شکریہ ادا کرنا چاہتا ہوں جنہوں نے مایوس نہیں کیا۔ آپ پر فخر ہے۔
عمران خان نے اپنے ٹویٹ میں مینار پاکستان جلسے کے فضائی مناظر کی ویڈیو اور وہاں آنے والے رستوں کی بندش کا نقشہ بھی شیئر کیا ہے۔
Despite cabal of crooks locking down Lahore (see map) & arresting 2000 of our workers, people of Lahore came in huge numbers to make our 6th Minar-i-Pakistan jalsa a great success. I want to especially thank my Lahorites for not letting me down yet again. Proud of you. pic.twitter.com/rrRiRx5uSl
— Imran Khan (@ImranKhanPTI) March 26, 2023
