پاکستان تحریک انصاف کے سربراہ اور سابق وزیراعظم عمران خان نے کہا ہے کہ 2 جولائی کو پریڈ گراؤنڈ اسلام آباد میں احتجاج کی قیادت کرونگا۔
پاکستان تحریک انصاف کے سربراہ اور سابق وزیراعظم عمران خان نے سماجی رابطوں کی ویب سائٹ ٹوئٹ پر اپنے ٹوئٹ میٰں کہا ہے کہ 2 جولائی کو ہم امپورٹڈ حکومت کے خلاف احتجاج کریں گے اور میں پریڈ گراؤنڈ اسلام آباد میں ہونے والے احتجاج کی قیادت کروں گا۔
عمران خان نے اپنے ٹوئٹ میں مزید کہا کہ ہوشربا مہنگائی نے عوام کی کمر توڑ دی ہے، رجیم چینج امریکی سازش کے نتیجے میں امپورٹڈ حکومت مسلط کی گئی۔
سابق وزیراعظم نے مزید لکھا کہ امپورٹڈ حکومت نے 1100 ارب کی کرپشن بچانے کے لیے انہوں نے خود کو این آراو 2 دیا۔
2جولائی کو ہم قوم کو کچلتی ہوئی مہنگائی،تبدیلئ حکومت کی امریکی سازش کےذریعےپاکستان پر مسلط امپورٹڈ سرکار اور اس سرکار کیجانب سےاپنی1100 ارب کی کرپشن بچانے کیلئےمہیا کئےگئےNRO-2 کیخلاف ملک بھر میں پرامن احتجاج کریں گے۔اسلام آبادکےاحتجاج کی قیادت میں پریڈ گراؤنڈ میں کروں گا۔
— Imran Khan (@ImranKhanPTI) June 27, 2022
واضح رہے کہ عمران خان نے دو روز قبل پریڈ گراؤنڈ میں جلسے کا اعلان کیا تھا۔
یہ بھی پڑھیں: عمران خان کا پریڈ گراؤنڈ میں جلسے کا اعلان
بنی گالہ میں اپنی رہائشگاہ پر پریس کانفرنس کرتے ہوئے پی ٹی آئی سربراہ نے اسلام آباد اور راولپنڈی کے عوام سے اس جلسے میں بھرپور شرکت کی اپیل کی تھی۔