site
stats
پاکستان

نوازشریف کا نعرہ سب کو بے وقوف بنانے کی کوشش ہے،عمران خان

imran

اسلام آباد : پاکستان تحریک انصاف کے سربراہ کا کہنا ہے کہ عوام نوازشریف کےاحتساب کےنعرے سے اکتا گئے ہیں، لوگوں کو بار بار بیوقوف نہیں بنایا جاسکتا، شریف مافیا اپنے چھپائے پیسے بچانے کیلئے ہر حربہ استعمال کر رہے ہیں۔

تفصیلات کے مطابق پی ٹی آئی کے چیئرمین عمران خان نے سماجی رابطے کی ویب سائٹ ٹوئٹر پر اپنے پیغام میں کہا ہے کہ عوام نوازشریف کے احتساب کے نعرے سے اکتا گئے ہیں، لوگوں کو بار بار بیوقوف نہیں بنایاجا سکتا۔

عمران خان کا کہنا ہے کہ عدلیہ کا کام قانون کی بالادستی قائم رکھنا ہے، توجہ احتساب سے ہٹانے کی کوشش آئین کی خلاف ورزی ہے، یہ سب عدلیہ کونقصان پہنچانے کی کوششوں کو ظاہر کرتی ہے نہ کہ دفاع کیلئے

پی ٹی آئی چیئرمین نے ایک اور ٹوئٹ میں کہا کہ شریف مافیا اپنے چھپائے پیسے بچانے کیلئے ہر حربہ استعمال کررہا ہے۔


مزید پڑھیں: حیرت ہے نواز شریف کا کٹھ پتلی وزیر اعظم، وزیر خزانہ کو ہٹا نہیں سکا: عمران خان


یاد رہے کہ گذشتہ روز عمران خان نے اپنے ٹوئٹ میں کہا تھا کہ حیرت کی بات ہے نواز شریف کا کٹھ پتلی وزیر اعظم وزیر خزانہ کو ہٹا نہیں سکا، اسحٰق ڈار شریف مافیا کے فرنٹ مین اور مفرور ہیں، ان پر کرپشن اور منی لانڈرنگ کے الزامات ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top