لاہور : تحریک انصاف کے چیئرمین عمران خان نے کہا ہے کہ پی ٹی آئی نے اعتماد کے ووٹ کا ٹیسٹ پاس کرلیا، اب شہباز شریف کو اعتماد کا ووٹ لینا ہوگا۔
یہ بات انہوں نے ایک نجی نیوز چینل کو خصوصی انٹرویو دیتے ہوئے کہی، انہوں نے کہا کہ موجودہ حکمرانوں نے این آراو ٹو لینے کے علاوہ کچھ نہیں سوچا تھا، پی ڈی ایم کمزور ہے اس سے فیصلہ نہیں ہوسکتا۔
پی ڈی ایم جماعتیں الیکشن سے ڈرتی ہیں
انہوں نے کہا کہ پی ڈی ایم جماعتیں الیکشن سے ڈرتی ہیں، کہا جارہا تھا عمران خان نے دوبارہ اقتدار میں نہیں آنا، میں اپنی پنجاب کی حکومت میں ایف آئی آر نہیں کٹوا سکا۔
عمران خان کا کہنا تھا کہ اس وقت پاکستان کو مضبوط اور طاقتور حکومت کی ضرورت ہے، پنجاب اسمبلی تحلیل ہونے کے ایک ہفتے میں کےپی اسمبلی تحلیل کریں گے، سندھ کے وزیر زرداری کے ہمراہ ہمارے ایم پی ایز خریدنے آئے تھے۔
پنجاب کی سیاست پورے پاکستان کی سیاست پر اثرانداز ہوتی ہے، اسٹیبلشمنٹ جہاں ہوتی ہے پنجاب وہاں کھڑا ہوتا ہے، پنجاب کبھی بھی اسٹیبلشمنٹ کیخلاف نہیں جاتا۔
پنجاب اسمبلی تحلیل کرکے اصل قربانی ق لیگ نے دی
ان کا کہنا تھا کہ پنجاب اسمبلی تحلیل کرکے اصل قربانی ق لیگ نے دی ہے، ہم نے ق لیگ کو پی ٹی آئی میں ضم ہونے کی درخواست کی ہے، پی ٹی آئی کے ٹکٹ پر الیکشن لڑنا ق لیگ کے مفاد میں ہے۔
عمران خان نے کہا کہ ہم نے ساڑھے3سال بڑی مشکل سے حکومت کی، کبھی ایک جماعت نکل جاتی ہے تو کبھی دوسری جماعت شور مچاتی ہے، نوازشریف کبھی بھی وطن واپس نہیں آئے گا،
چیئرمین پی ٹی آئی کا کہنا تھا کہ پنجاب اسمبلی میں نمبرز پورے کرنے میں مونس الہیٰ نے بہت کام کیا، پنجاب کی سیاست پورے پاکستان کی سیاست پر اثر ڈالتی ہے، اس وقت پاکستان کو ایک مضبوط اور طاقتور حکومت کی ضرورت ہے۔
اتنی ٹینشن دوں گا کہ شہباز شریف کو نیند کی گولیاں کھانا پڑیں گی
شہبازشریف کو رشوت دے کر کام چلانے سے کوئی فرق نہیں پڑتا، اتنی ٹینشن دوں گا کہ شہباز شریف کو نیند کی گولیاں کھانا پڑیں گی، پی ڈی ایم کمزور ہے اس سے فیصلہ نہیں ہوسکتا۔
ایک سوال کے جواب میں نے قمرجاوید باجوہ کی مدت میں توسیع کا نہیں سوچا تھا، قمرجاوید باجوہ نے کہا کہ توسیع نہ دی تو آگے چل کر میرے لیےمشکل ہوگا۔
عمران خان نے بتایا کہ باجوہ نے کہا اگر ابھی توسیع نہ دی تو میرےخلاف سیاست شروع ہوجائے گی، قمرجاوید باجوہ کو توسیع دی اس کے6گواہ موجود ہیں، ان گواہوں میں4کا تعلق فوج سے ہے اور دو میرے اپنے لوگ ہیں۔
