The news is by your side.

Advertisement

جنوبی پنجاب کے دارالحکومت کا اعلان وزیراعظم جلد کریں گے، طارق بشیر چیمہ

ملتان: جنوبی پنجاب ایگزیکٹو کونسل کےسربراہ طارق بشیر چیمہ نےاعلان کیاہے کہ جولائی سےجنوبی پنجاب سول سیکریٹریٹ فعال کردیاجائے گا جبکہ جنوبی پنجاب کے دارالحکومت کا اعلان وزیراعظم جلد کریں گے۔

تفصیلات کے مطابق محکمہ تعلقات عامہ میں میڈیا سے گفتگو کرتے ہوئے جنوبی پنجاب ایگزیکٹو کونسل کے سربراہ طارق بشیر چیمہ کا کہنا کہ وزیر اعظم عمران خان نے جنوبی پنجاب کو علیحدہ صوبہ بنانے کے اپنا وعدے کو عملی شکل دینی شروع کردی اور  وزیر اعظم جلد ہی دارالحکومت کا اعلان بھی کریں گے۔

اُن کا کہنا تھا کہ جنوبی پنجاب کاگیٹ وےمیاں چنوں ہوگا جبکہ جولائی سے جنوبی پنجاب کا سول سیکریٹریٹ  بھی فعال ہوجائے گا۔ طارق بشیر چیمہ کا کہنا تھا کہ جنوبی پنجاب کے لیے بورڈ آف ریوینیو ، پبلک سروس کمیشن اور تمام محکموں کے اسپیشل سیکریٹریز تعینات کیے جائیں گے۔

صوبائی وزیر خوراک سمیع اللہ چودھری اور دیگر ارکان اسمبلی کا کہنا تھا کہ جنوبی پنجاب صوبہ محاذ کی مخالفت کرنے والی سیاسی جماعتیں سیاسی خودکشی کریں گی، انہوں نے وزیر اعلی عثمان بزدار کو خراج تحسین پیش کرتے ہوئے کہا کہ انکی قیادت میں پنجاب کے مسائل بہتر طریقے سے حل کیے جا رہے ہیں۔

Comments

comments

یہ بھی پڑھیں