پاکستان تحریک انصاف کی رہنما مسرت جمشید چیمہ نے کہا کہ عمران خان پنجاب میں عام انتخابات کیلئے آج انتخابی مہم کا آغاز کریں گے۔
پاکستان تحریک انصاف(پی ٹی آئی) کی رہنما مسرت جمشید چیمہ نے ایک بیان میں کہا کہ پنجاب کے مختلف شہروں میں بڑی اسکرینوں پر عمران خان کا خطاب دیکھایا جائے گا۔
مسرت جمشید چیمہ نے کہا کہ عمران خان سے لاہور سے رضاکارانہ گرفتاری دینے والے رہنما اور کارکنان ملاقات کرینگے، پی ٹی آئی آئین و قانون کی بالادستی کی جنگ لڑ رہی ہے۔
اب انشاءاللہ الیکشن بھی ہوں گے اور عوام تحریک انصاف کے حق میں فیصلہ بھی دے گی. آج چئیرمین باقاعدہ الیکشن کیمپین کا آغاز کریں گے اور ملک بھر میں بڑی سکرینوں پر چئیرمین کا خطاب دکھایا جائے گا. انشاءاللہ آج ہر شہر ایک جلسہ گاہ بنے گا.
— Musarrat Cheema (@MusarratCheema) March 4, 2023
پی ٹی آئی کی رہنما کا کہنا تھا کہ ن لیگ اور پیپلز پارٹی نے سیاست کو صرف ذاتی مفاد کی جنگ بنایا ہوا تھا، اب الیکشن بھی ہوں گے اور عوام تحریک انصاف کےحق میں فیصلہ بھی دےگی، آج ہر شہر ایک جلسہ گاہ بنے گا۔
انہوں نے کہا کہ اس وقت پاکستان میں صرف ایک سیاسی جماعت ہے جو حقیقی معنوں میں آئین و قانون کی بالادستی کی جنگ لڑ رہی ہے۔
مسرت جمشید چیمہ کا کہنا تھا کہ ن لیگ اور پیپلز پارٹی نے سیاست کو صرف ذاتی مفاد کی جنگ بنایا ہوا تھا. پاکستان کی تاریخ میں پہلی دفعہ کسی نے اپنی حکومت خود ختم کی تاکہ عوام اپنا فیصلہ کر سکے۔