اسلام آباد : پاکستان تحریک انصاف کے بانی نے چیف جسٹس یحییٰ آفریدی اورآئینی بینچ کے سربراہ جسٹس امین الدین خان کو خط میں 9 مئی اور 26 نومبر کے واقعات پر کمیشن بنانے کا مطالبہ کردیا۔
تفصیلات کے مطابق بانی پی ٹی آئی نے چیف جسٹس یحییٰ آفریدی اورآئینی بینچ کےسربراہ جسٹس امین الدین خان کو الگ الگ خطوط بھجوا دیئے۔
عمران خان کے وکلا نے خطوط وصول کرکے بھیج دیے، خط میں 9 مئی اور 26 نومبر کے واقعات پر کمیشن بنانے کا مطالبہ کیا گیا ہے۔
ذرائع نے بتایا کہ عمران خان کا خط 349 صفحات پرمشتمل ہے، خط میں پی ٹی آئی کارکنان پر کریک ڈاؤن کے حوالے سے بھی تفصیل درج ہے۔
ذرائع کا کہنا تھا کہ بانی پی ٹی آئی کے خطوط میں 8فروری انتخابات کابھی ذکرہے جبکہ کارکنان کے گھروں پرچھاپوں اورگرفتاریوں کابھی حوالہ دیا گیا ہے۔
بانی پی ٹی آئی کےوکیل نعیم پنجوتھا نے بتایا کہ بانی پی ٹی آئی نے چیف جسٹس اور آئینی بینچ کےسربراہ کومیرے توسط سے الگ الگ خطوط بھجوائے۔
ان کا کہنا تھا کہ خط دینےسپریم کورٹ گئےتورجسٹرارنے وصول کرنے سے انکار کردیا، رجسٹرار کے انکار کے بعد دونوں خطوط بذریعہ کورئیر ارسال کر دیئے گئے ہیں۔
خط میں چھبیس نومبرڈی چوک کی تحقیقات اورجوڈیشل کمیشن بنانےکی درخواست کی گئی جبکہ خط میں سپریم کورٹ کوچھبیس نومبرکےواقعےکےزخمیوں کی تفصیلات بھی بھیجی گئیں۔
خط میں نو مئی سے جڑے واقعات اورآٹھ فروری الیکشن کی تفصیلات بھی شامل ہیں اور دو سال میں ہونےوالےانسانی حقوق کی خلاف ورزیوں کا بھی ذکر ہے۔
