لاہور: پاکستان تحریک انصاف کے چیئرمین اور سابق وزیراعظم عمران خان نے مینار پاکستان پر جلسے سے متعلق اہم پیغام جاری کیا ہے۔
پاکستان تحریک انصاف کے چیئرمین اور سابق وزیراعظم عمران خان نے کہا کہ مینار پاکستان پر اس سال کا پہلا جلسہ کروں گا، میں ساری پاکستانی قوم کو تیار کرنا چاہتا ہوں۔
عمران خان نے کہا کہ جس نازک موڑ پر پاکستان ہے وہاں مجھے سب پاکستانیوں کی ضرورت ہے، قوم کو بتاؤں گا انہوں نے کس طرح آئین، عدلیہ کیساتھ کھڑے ہونا ہے۔
آج ہم خفیہ طور پر عدالت آئے، عمران خان کا لاہور ہائیکورٹ میں بیان
عمران خان نے پیغام میں کہا کہ قانونی کی حکمرانی کے لئے سب نے ساتھ دینا ہے، موجودہ حکومت نے جس دلدل میں پھنسا دیا ہے اس سے نکلنے کا راستہ بتاؤں گا۔
پاکستان تحریک انصاف کے چیئرمین اور سابق وزیراعظم عمران خان نے مزید کہا کہ مینار پاکستان پر قوم کو وہ پروگرام دوں گا کہ کیسے مشکل وقت سے پاکستان کو نکالنا ہے۔
