لاہور ہائی کورٹ نے چیئرمین پاکستان تحریک انصاف عمران خان کی حفاظتی ضمانت کی درخواست مسترد کر دی۔
سابق وزیر اعظم عمران خان کے خلاف سنگجانی تھانہ اسلام آباد میں درج مقدمے میں حفاظتی ضمانت کے لیے لاہور ہائی کورٹ میں سماعت ہوئی۔ اس موقع پر عمران خان کے وکیل حسان نیازی نے عدالت کو بتایا کہ عدالت کچھ وقت دے ہم عمران خان کو پیش کر دیں گے۔
اس پر عدالت نے ساڑھے چھ بجے تک سماعت ملتوی کرتے ہوئے چیئرمین پی ٹی آئی کو عدالت میں پیش کرنے کا حکم جاری کیا۔
ادھر سابق وزیر اعظم نے عدالت میں پیش ہونے کا فیصلہ کیا۔ عدالت روانگی کی اطلاع پر ان کے کارکن گیٹ نمبر ایک پر جمع ہوئے جبکہ پولیس اور ایلیٹ فورس کی گاڑیاں زمان پارک پہنچیں۔
ساڑھے چھ بجے تک عمران خان لاہور پائی کورٹ میں پیش نہ ہوئے جس پر عدالت نے ان کی حفاظتی ضمانت کی درخواست مسترد کر دی۔
لاہور ہائی کورٹ نے کہا کہ عمران خان عدالت میں موجود نہیں اس لیے درخواست مسترد کرتے ہیں، عمران خان کو ساڑھے 6 بجے تک کا وقت دیا گیا تھا لیکن وہ پیش نہیں ہوئے۔
