اسلام آباد : سیشن کورٹ اسلام آباد خاتون جج کو دھمکی دینے کے کیس میں چیئرمین پی ٹی آئی عمران خان آج حاضری سے استثنیٰ کی درخواست منظور کرلی۔
تفصیلات کے مطابق سیشن کورٹ اسلام آباد میں خاتون جج کو دھمکی دینے سے متعلق کیس کی سماعت ہوئی۔
چیئرمین پی ٹی آ ئی عمران خان نے آج عدالت حاضری سے استثنیٰ کی درخواست دائر کی ، وکیل نعیم پنجوتھانے نے عمران خان کی حاضری سےاستثنیٰ کی درخواست دائر کی۔
درخواست میں کہا گیا کہ عمران خان کی صحت اجازت نہیں دیتی کہ اسلام آباد تک سفر کر سکیں، چیئرمین پی ٹی آئی عمران خان کی جان کو خطرہ سنجیدہ نوعیت کا ہے۔
درخواست میں استدعا کی سیکیورٹی خدشات کے پیش نظر آج حاضری سے استثنیٰ دیاجائے۔
وکیل نعیم پنجوتھہ نے کہا کہ عمران خان کو جان کو پہلے بھی خطرہ تھا، آج بھی ہے، عمران خان کو جان سے مارنے کی دھمکیاں آتی ہیں۔
وکیل کا کہنا تھا کہ کسی لیڈر کا قتل ہوجائے تو کمیٹیاں بنتی رہتی ہیں، انصاف نہیں ملتا، ایسا نہیں کہ عمران خان عدالت پیش نہیں ہونا چاپتے، ہر عدالت میں پیش ہوئے۔
نعیم پنجوتھہ نے مزید بتایا کہ مختلف عدالتوں میں عمران خان کی ویڈیو لنک کےذریعے حاضر ہونے کی درخواستیں دیں، موجودہ حکومت عمران خان کو قتل کرنا چاہتی ہے۔
سرکاری وکیل نے کہا کہ لاہورمیں دفعہ144 نافذہے،عمران خان کی عدالت پیشی پرنہیں، سرکاری وکیل
عمران خان کی جان کو خطرہ ہے.
سابق وزیراعظم عمران خان کی آج حاضری سے استثنیٰ کی درخواست منظور کرلی۔
سیشن عدالت کے جج رانا مجاہد رحیم نے احکامات جاری کئے اور کیس کی مزید سماعت 13 مارچ تک ملتوی کر دی۔
