چیئرمین پی ٹی آئی عمران خان نے سمندرپار پاکستانیوں کیلئے ویڈیو پیغام جاری کر دیا۔
ویڈیو پیغام میں عمران خان نے کہا کہ ہم نےنامنظور ڈاٹ کام کی ایک ویب سائٹ بنائی ہے ویب سائٹ کا مقصد ہے اوورسیزپاکستانیوں سےفنڈجمع کریں اب ہم مہم میں جا رہے ہیں۔
چیئرمین پی ٹی آئی نے کہا کہ بیرونی سازش کےتحت حکومت تبدیلی کی سازش رچائی گئی کرپٹ ترین لوگوں کو پاکستان پرمسلط کیا گیا ہے ایسےلوگوں کو مسلط کرنا 22 کروڑ لوگوں کی توہین ہے ایسےلوگوں کیخلاف قوم میں نکل رہاہوں اپنی جاگی ہوئی قوم کو جگا رہا ہوں۔
Chairman PTI @ImranKhanPTI message for overseas Pakistanis who also have rejected the imported government! #امپورٹڈ_حکومت_نامنظور https://t.co/wpizvSzpKa
— PTI (@PTIofficial) April 15, 2022
عمران خان نے کہا کہ کوشش ہے سازش کو فیل کر کے پاکستان کو الیکشن کی طرف لےجائیں ایک ہی حل ہے عوام فیصلہ کریں وہ کس کو چاہتے ہیں عوام الیکشن کےذریعےفیصلہ کریں اب ہم مہم چلارہے ہیں مہم کیلئے فنڈز کی ضرورت ہےکیونکہ ملک بھرمیں مہم چلائیں گے۔
ان کا کہنا تھا کہ عوام سے اپیل ہے بھرپور طریقے سے اس مہم میں شرکت کریں یہ ہےپاکستان کی حقیقی آزادی کی مہم!