تازہ ترین

عمران خان نے اپنی آف شور کمپنی کی صفائی پارلیمنٹ کے باہر پیش کردی

اسلام آباد: تحریک انصاف کے سربراہ عمران خان نے اپنی آف شور کمپنی کی صفائی پارلیمنٹ کے باہر پیش کردی۔

پارلیمنٹ کے باہر اپنی آف شور کمپنی کی صفائی پیش کرتے ہوئے کپتان کا کہنا تھا جب وہ باہر تھے تو ان پر بہت الزامات لگے،جن کی صفائی دینا ضروری ہے، کپتان نے کہا کہ لندن کا فلیٹ کاونٹی کرکٹ کی کمائی سے بنایا۔

کپتان کا کہنا تھا کہ برطانیہ میں جو بھی جائیداد خریدتا ہے تو اس کوکہاجاتا ہے کمپنی پرجائیداد لیں۔

عمران خان نے بتایا کہ لندن کا فلیٹ دوہزار تین میں فروخت کیا اور اپنے اثاثوں میں فلیٹ کا اعلان کیا، کپتان کا کہنا تھا کہ وہ سیاستدان ہیں اور عوام کو جوابدہ ہیں۔

اس سے قبل وزیراعظم کی تقریر پر اپوزیشن لیڈر خورشید شاہ کا کہنا تھا ہمارے سوالوں کے جواب نہیں ملے الٹا ستر سوال اٹھ گئے، اپوزیشن نے ایوان کا بائیکاٹ کردیا، کپتان بھی تقریر کئے بغیر باہر چلے گئے۔

اپوزیشن رہنما سید خورشید شاہ وزیر اعظم کی تقریر سے متاثر ہوتے نظر نہیں آئے، ایوان میں مختصر تقریر میں ان کا کہنا تھا ہم تو سات سوالوں کے جواب لینے آئے تھے،وزیراعظم نے70سوال اور بڑھا دیئے۔

خورشید شاہ کا کہنا تھااپوزیشن کی تشفی نہیں ہوئی، فیصلہ ہواتھا وزیراعظم نے 7سوالوں کے جواب نہ دیئے تو واک آؤٹ کریں گے۔ اس کے ساتھ ہی اپوزیشن جماعتوں نے قومی اسمبلی کے اجلاس سے واک آؤٹ کر دیا، اسپیکرنے عمران خان کو تقریر کی دعوت دی تاہم کپتان بھی بغیرتقریر کئے ایوان سے واک آؤٹ کرگئے۔

Comments

- Advertisement -