اسلام آباد: چیئرمین پی ٹی آئی کی لاہور سے اٹک جیل منتقلی کی تفصیلات سامنے آ گئیں، ذرائع کا کہنا ہے کہ چیئرمین پی ٹی آئی کی گرفتاری اور لاہور سے منتقلی کے لیے 3 ٹیمیں تشکیل دی گئی تھیں۔
ذرائع کے مطابق چیئرمین پی ٹی آئی کی گرفتار ی کے لیے ایس ایس پی سی آئی اے لاہور ملک لیاقت علی کو ذمہ داری دی گئی تھی، گرفتاری کے بعد چیئرمین پی ٹی آئی کو ڈی آئی جی آپریشنز لاہور کے حوالے کیا گیا۔
لاہور سے چیئرمین پی ٹی آئی کو ڈی آئی جی آپریشنز ناصر رضوی لے کر روانہ ہوئے تھے، موٹر وے پر کوٹ مومن کے قریب ایس ایس پی آپریشنز اسلام آباد نے انھیں اپنی تحویل میں لیا۔
ذرائع نے بتایا کہ اسلام آباد پولیس کے حوالے کرنے سے قبل تمام اہل کاروں کے فون لے لیے گئے تھے، اہلکاروں کے علاوہ افسران کو بھی فون استعمال کرنے کی اجازت نہیں تھی۔
توشہ خانہ کیس : چیئرمین پی ٹی آئی کو گرفتار کرلیا گیا
ایس ایس پی آپریشنز اسلام آباد نے رات 10 بجے چیئرمین پی ٹی آئی کو ڈی پی او اٹک کے حوالے کیا، اس کے بعد ڈی پی او سردار غیاث گل نے چیئرمین پی ٹی آئی کو جیل حکام کے حوالے کیا۔
