اسلام آباد : سیکریٹری خزانہ یعقوب حامد شیخ کا کہنا ہے کہ 2 دن میں پاکستان کو بڑے رول اوور قرض کی خوش خبری ملنے والی ہے۔
تفصیلات کے مطابق قومی اسمبلی کی قائمہ کمیٹی برائے خزانہ کا قیصر احمد شیخ کی زیر صدارت اجلاس ہوا۔
سیکریٹری خزانہ یعقوب حامد شیخ نے بریفنگ دیتے ہوئے کہا 2 دن میں پاکستان کو بڑے رول اوور قرض کی خوش خبری ملنے والی ہے۔
سیکریٹری خزانہ کا کہنا تھا کہ وزیر خزانہ ایک اور رول اوور قرض کے لیے متحرک ہیں،آئی ایم ایف کے ساتھ 99 فیصد معاملات طے ہو گئے ہیں، اگلے دو سے تین دن میں سیٹلمنٹ ہو جائے گی۔
حامد یعقوب شیخ نے کہا کہ پاکستان کے معاشی چیلنجز فوری طور پر ختم نہیں ہوں گے، تاہم اگلے دو سے تین ماہ میں حالات معمول پر آجائیں گے۔
Comments
- Advertisement -
