اسلام آباد : ملک میں کرونا وائرس کی یلغار جاری ہے، چوبیس گھنٹے کے دوران مزید 59 کرونا مریض انتقال کرگئے۔
نیشنل کمانڈ اینڈ آپریشن سینٹر نے کرونا وائرس سے متعلق جاری کردہ تازہ ترین اعداد و شمار جاری کردئیے، این سی او سی کا کہنا ہے کہ ملک بھر میں چوبیس گھنٹے کے دوران 1037 نئے کرونا کیسز رپورٹ ہوئے۔
این سی او سی کے اعداد و شمار کے مطابق 24 گھنٹے کے دوران ملک بھر میں مزید 59 کرونا مریضوں کا انتقال ہوا جس کے بعد کرونا سے مرنے والوں کی تعداد 12 ہزار 26 ہوگئی۔
پاکستان میں 24 گھنٹوں میں 32 ہزار 149 ٹیسٹ کیے گئے، جس میں سے ایک ہزار 37 کرونا ٹیسٹ مثبت رپورٹ ہوئے، اب ملک میں کرونا وائرس کے فعال کیسز کی تعداد 31 ہزار 983 ہوگئی۔
نیشنل کمانڈ اینڈ آپریشن سینٹر کا کہنا ہے کہ 24 گھنٹے میں کرونا وائرس کے ٹیسٹ مثبت آنے کی شرح 3.22 فیصد ہے۔
Comments
- Advertisement -
