ملتان: میاں شہباز شریف کو سانحہ ماڈل ٹاؤن، ملتان میٹرو کرپشن اور حدیبیہ کا حساب دینا ہوگا، وہ جنوبی پنجاب کی محرومیوں کے لیے جواب داہ ہیں، ان خیالات کا اظہار پیپلزپارٹی کے چیئرمین بلاول بھٹو نے ملتان میں جلسے سے خطاب کرتے ہوئے کیا۔
ان کا کہنا تھا کہ شہباز شریف جنوبی پنجاب میں ایک بھی اسپتال نہیں بنا سکے، وہ سمجھ رہے ہیں کہ سب گناہوں کا بوجھ میاں صاحب نے اٹھا لیا، مگر میاں نواز شریف کے بعد انھیں بھی اپنے ظلم کا جواب دینا ہوگا۔
پیپلزپارٹی کے چیئرمین نے کہا کہ ہم جمہوریت کی بقا کے لیے فیصلہ کن جنگ لڑیں گے، حکومت کو کسانوں کا معاشی قتل عام نہیں کرنے دیں گے، کسان کی غربت کی وجہ پیداوار کی قیمتوں میں کمی ہے، حکومتی پالیسیوں سے کسان اپنی ہی زمین پرمزدوربن چکا ہے۔
انھوں نے عمران خان پر بھی کڑتی تنقید کرتے ہوئے کہا کہ وہ مولانا سمیع الحق کےنظریاتی سپاہی ہیں، انھیں اصولوں اور اخلاقیات کی سیاست سیکھنی چاہیے۔
ان کا یہ بھی کہنا تھا کہ عمران خان بیرونی اثاثے والوں کے ہتھے چڑھ گئے ہیں۔ انھوں نے یہ دعویٰ کیا کہ یہ عمران خان کا آخری الیکشن ہوگا۔
واضح رہے کہ آج نااہلی کیس میں فیصلہ آنے کے بعد بلاول بھٹو نے پی ٹی آئی کے رہنما جہانگیر ترین کو عمران خان کی اے ٹی ایم مشین قرار دیا تھا۔
یہ بھی پڑھیں: اے ٹی ایم آؤٹ آف آرڈر ، بلاول بھٹو کا ٹویٹ
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
