اسلام آباد: پاکستان میں فرنس آئل سے بجلی کی پیدوار میں انحصار کم ہونے لگا ہے کیوں کہ ایل این جی اور کوئلے سے بجلی کی پیداوار میں خاطر خواہ اضافہ ریکارڈ کیا گیا ہے۔
تفصیلات کے مطابق ملک میں بجلی کی پیداور کے لیے فرنس آئل کا بھی استعمال کیا جاتا ہے لیکن فرنس آئل سے ماضی میں تیار کی جانے والی بجلی کی مقدار کوئلے اور ایل این جی سے پیدا کی جانے والی بجلی کے مقابلے میں انتہائی کم ہے۔
کوئلے سے بجلی کی پیداوار میں زبردست اضافہ ریکارڈ کیا گیا ہے جس کے تحت مالی سال 2018 کے 9 ماہ میں کوئلے سے بجلی کی پیداوار 9 ہزار 412 میگاواٹ رہی جبکہ گزشتہ مالی سال کے اسی عرصے میں صرف 80 میگاواٹ بجلی پیدا ہوئی تھی۔
بجلی کی پیداوار میں کمی، لوڈشیڈنگ میں خطرناک حد تک اضافے کا خدشہ
علاوہ ازیں گذشتہ سال جولائی سے مارچ کے دوران ایل این جی سے بجلی کی پیداوار 300 فیصد اضافے سے 14 ہزار 948 میگاواٹ تک پہنچ گئی جو گزشتہ مالی سال کے اسی عرصے کے دوران 5 ہزار میگاواٹ تک محدود تھی۔
مظفرگڑھ : تھرمل پاور پلانٹ میں آتشزدگی،بجلی کی پیداوار بند
خیال رہے کہ پاکستان کا فرنس آئل سے بجلی کی پیداوار سے انحصار اب کم ہونے لگا، کیوں کہ رواں مالی سال کے 9 ماہ کے دوران فرنس آئل سے بجلی کی پیداوار 21 فیصد گھٹ گئی جبکہ جولائی سے مارچ کے دوران فرنس آئل سے 24 ہزار 422 میگاواٹ بجلی تیار کی گئی علاوہ ازیں گزشتہ مالی سال کے اسی عرصے کے دوران 30 ہزار 930 میگاواٹ بجلی فرنس آئل سے پیدا کی گئی تھی۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
