The news is by your side.

Advertisement

یمن : سعودی اتحادیوں کا اسکول کے قریب فضائی حملہ، پانچ افراد ہلاک

یمن : سعودی عرب کی زیرقیادت اتحادیوں نے یمن میں پرائمری اسکول کے قریب فضائی حملہ کیا جس کے نیتجے میں پانچ افراد جان کی بازی ہار گئے۔

برطانوی خبررساں ادارے کے مطابق  رواں ماہ دس جنوری کو سعودی عرب کی زیر قیادت قائم اتحادیوں نے شمالی یمن کے ضلع ناہم میں موجود پرائمری اسکول کے قریب فضائی حملہ کیا ۔جس کے نیتجے میں پانچ افراد ہلاک ہوگئے۔

سعودی خبررساں ادارے کے مطابق باغیوں نے پرائمری اسکول سے 53 کلومیٹر دور فضائی حملہ کیا۔ جس کے سبب آٹھ بچے ہلاک اور پندرہ زخمی ہونےتاہم اے، ایف ، پی نے پانچ افراد کی ہلاکت رپورٹ کی ہے جس میں دو بچے بھی شامل ہیں۔

دوسری جانب فرانسیسی خبر رساں ادارے نے میڈیکل اورسکیورٹی ذرائع کے حوالے سے بتایا ہے کہ باغی حوثی موومنٹ پر کیا جانے والا فضائی حملہ دومرد اوربچوں کی ہلاکت کا سبب بنا۔ دوسری جانب سعودی اتحادیوں کا کہنا ہے کہ یہ حملہ عام شہریوں کو نشانہ بنانے کےلئے نہیں تھا۔

واضح رہے کہ باغیوں کی جانب سے مارچ 2015 سے فضائی حملے کیے جارہے ہیں۔ ان حملوں کی وجہ سے ہزاروں شہری ہلاک و زخمی ہوئے ہیں۔ فضائی حملوں کی وجہ سے 1600 سے زائد اسکولوں کو نقصان پہنچا ہے۔ یمن کے معروضی حالات کی ابتری کے باعث بیشتر افراد اسکولوں میں پناہ گزین ہیں جس کے سبب دو ملین بچے تعلیم سے محروم ہو رہے ہیں۔

یاد رہے کہ گذشتہ سال اگست میں ہونے والے ایک فضائی حملے میں دس بچے زندگی کی بازی ہار گئے تھے۔

اقوام متحدہ کے ذیلی ادارے یونیسف کی جانب سے یمن میں متاثرہ بچوں سے متعلق رپورٹ میں انکشاف کیا گیا ہے کہ ’’اس وقت ملک میں 22 لاکھ بچے ناقص خوراک کا شکار ہیں مناسب خوراک کے انتظامات نہ ہونے کے باعث ہر 10 منٹ ایک بچہ دم توڑ دیتا ہے‘‘۔

Print Friendly, PDF & Email

Comments

comments

یہ بھی پڑھیں