The news is by your side.

انعام بٹ بیچ ریسلنگ ورلڈ سیریز کے فائنل میں پہنچ گئے

ایتھنز: پاکستانی ریسلر انعام بٹ ورلڈ بیچ ریسلنگ سیریز کے فائنل میں پہنچ گئے ہیں۔

تفصیلات کے مطابق یونان کے شہر ایتھنز میں پاکستانی ریسلر انعام بٹ کی شاندار کارکردگی کا سلسلہ جاری ہے، پاکستانی ریسلر نے مقابلے کے لئے آنے والے تمام پہلوانوں کو پچھاڑتے ہوئے فائنل میں جگہ بنالی ہے، فائنل میچ میں انکا مقابلہ آذربائیجان کے پہلوان سے ہوگا۔

سیمی فائنل مقابلے میں انہوں نے یوکرائن کے پہلوان کو تین ،ایک سے شکست دی، کوارٹر فائنل ميں انعام بٹ نے رومانيہ کے ريسلر کو تین ،صفر سے شکست دی تھی۔

یہ بھی پڑھیں: انعام بٹ نے ورلڈ بیچ سیریز ریسلنگ میں گولڈ‌ میڈل جیت لیا

دوسری جانب پاکستان کے دوسرے ریسلر زمان انور کو آذربائیجان کے ریسلر کے ہاتھوں سیمی فائنل میں شکست ہوئی، جس کے بعد وہ اب برانز میڈل کے لیے میچ کھیلیں گے۔

اس سے قبل رواں ماہ کی چار تاریخ کو انعام بٹ نے بیچ سیریز ریسلنگ کی فری اسٹائل میں طلائی تمغہ اپنے نام کیا تھا۔

Comments

یہ بھی پڑھیں