کراچی: ساحل سے نکالے گئےجہاز’’ہینگ ٹونگ ‘‘کو بحفاظت برتھ کردیا گیا، جہاز کو ہارمونی بوٹ کی مدد سے کھینچ کر پورٹ تک لایا گیا۔
تفصیلات کے مطابق کراچی کے ساحل سے نکالے گئےجہاز’’ہینگ ٹونگ ‘‘کو بحفاظت برتھ کردیاگیا، شپنگ ایجنٹ کیپٹن عاصم کا کہنا ہے کہ آؤٹر اینکریج سے جہاز کو ہارمونی بوٹ کھینچ کر پورٹ لائی، جہاز کوایس اےپی ٹرمینل میں برتھ نمبر1 پر لگادیاگیاہے۔
یاد رہے گذشتہ روز کراچی کے سی ویو کلفٹن پر پھنسے بحری جہاز ہینگ ٹونگ 77 کو نکال کیا گیا تھا ، انتظامیہ نے بتایا کہ جہاز کے ری فلوٹنگ آپریشن میں سالویج ماسٹر، 2کرین بارج ،دو ٹگس نے حصہ لیا۔
بعد ازاں کراچی کے ساحل پر پھنساجہاز سمندر میں جانےکے بعدبھی مسائل کاشکار رہا، جہازکو12گھنٹےگزرنےکے بعد بھی برتھ پر لنگرانداز ہونے کی اجازت نہیں ملی، ذرائع نے بتایا تھا کہ چیئرمین کےپی ٹی نےجہازکوشام میں لنگر انداز کرانےکےاحکامات دیے تھے۔
ذرائع کے مطابق ڈپٹی کنزرویٹرحیدرصفدر کےمطابق کےپی ٹی ٹگس پائلٹس نےہاتھ اٹھالئے تھے م ٹگ بوٹس پائلٹس کا کہنا تھا کہ وہ بدھ کی صبح جہازکوبرتھ کریں گے تاہم جہاز کے لنگرواپس نکالنے والی مشین خراب ہونے کے باعث رات بہت اہم ہے۔
خیال رہے گزشتہ ماہ ناقص پلاننگ ،پرانے رسوں اور ناتجربہ کار ٹیم کی وجہ سے جہاز کھنچنے کی متعدد کوشیشیں ناکام ہو چکی ہیں ، جس کے بعد وزارت بحری امور اور کراچی پورٹ ٹرسٹ جہاز کھینچنے میں ناکامی پر تحقیقات کا حکم دیا تھا۔
بعد ازاں کے پی ٹی نے جہازمالک کو جہاز نکالنے کے مکمل پلان ،آلات،بارج ،ٹگس سمیت سالویج ماسٹر کی تفصیلات جمع کرانے کی ہدایت کی تھی۔
